અનુષ્કા માટે બેબાકળો બન્યો વિરાટ, મેનેજમેન્ટને કરી આવી અપીલ

Updated: Saturday, July 19, 2014, 13:23 [IST]

લંડન, 19 જુલાઇઃ ભારતીય ક્રિકેટ ટીમનો સ્ટાર ક્રિકેટર વિરાટ કોહલી અને બૉલીવુડ અભિનેત્રી અનુષ્કા શર્મા એક બીજાના પ્રેમમાં હોવાની વાત હવે જગજાહેર થઇ ગઇ છે. જેનો તાજો દાખલો અનુષ્કાને લઇને વિરાટ કોહલીએ પોતાનું બેબાકળાપણું દર્શાવ્યું એ છે. મળતી માહિતી અનુસાર વિરાટ કોહલીએ ભારતીટ ક્રિકેટ ટીમ મેનેજમેન્ટને કહ્યું છેકે, તેને અનુષ્કા શર્મા સાથે મુલાકાત કરતો અટકાવવામાં આવે નહીં.

વિરાટ કોહલી હાલ ઇંગ્લેન્ડના પ્રવાસે અને લોર્ડ્સ ખાતે ટેસ્ટ શ્રેણીની બીજી મેચ રમી રહ્યો છે. ત્યારે એક એવા સમાચાર વહેતા થયા છેકે, વિરાટ કોહલીએ ટીમ મેનજમેન્ટને જણાવ્યું છેકે, એનુષ્કા તેની એક સારી મિત્ર છે અને ટીમ મેનેજમેન્ટ તેને અને અનુષ્કાને મળતા અટકાવે નહીં. અનુષ્કા સાથે મુલાકાત કરવાની મેનેજમેન્ટ દ્વારા તેને પ્રાથમિકતા આપવામાં આવે.

આ પણ વાંચોઃ- રણવીર જ નહીં, વિરાટ પણ છે લવર નંબર 7 : જુઓ અનુષ્કાના લવ અફૅર્સ

નોંધનીય છેકે આ પહેલા પણ એવા સમાચાર આવતા રહ્યાં હતા કે અનુષ્કા શર્મા અને વિરાટ કોહલી એકબીજાના પ્રેમ છે, પરંતુ બન્નેએ ક્યારેય જાહેરમાં તેનો એકરાર કર્યો નહોતો, પરંતુ આ વખતે વિરાટ કોહલીએ ટી મેનેજમેન્ટને કરેલી અપીલે તેમના આ છૂપા સંબંધો પરથી પડદો હટાવી દીધો છે. વિરાટ કોહલીની જેમ અનુષ્કા શર્મા પણ હાલ ઇંગ્લેન્ડમાં છે. એવું કહેવાય છેકે બીસીસીઆઇ દ્વારા જ વિરાટ કોહલીને પરવાનગી આપવામાં આવી છેકે તે અનુષ્કા શર્માને પોતાની સાથે લઇ જઇ શકે છે. તો ચાલો તસવીરો થકી જોઇએ વિરાટ અનુષ્કાના રોમાન્સને.

વિરાટ-અનુષ્કા રોમાંસ

બૉલીવુડ અભિનેત્રી અનુષ્કા શર્મા અને વિરાટ કોહલી વચ્ચેનો રોમાંસ છેલ્લા ઘણા માસથી બૉલીવુડમાં ચર્ચાનો મુખ્ય વિષય બની ગયો છે.

ફિલ્મો કરતા વધુ ફૅમસ

અનુષ્કા શર્મા આજકાલ પોતાની ફિલ્મો કરતા પોતાના રોમાંસ માટે વધુ ચર્ચામાં છે. તેમની છેલ્લી ફિલ્મ મટરૂ કી બિજલી કા મંડોલા ફ્લૉપ રહી હતી, પરંતુ તેઓ હાલ પોતાના વિરાટ સાથેના રોમાંસ માટે ખૂબ જ ચર્ચામાં છે.