એન્જેલો મેથ્યુઝે પૂણેનું સુકાનીપદ છોડ્યુ

પૂણે, 3 મેઃ શ્રીલંકાના ઓલરાઉન્ડર એન્જેલો મેથ્યુઝે આજે આઇપીએલ છના બાકી સત્ર માટે પૂણે વોરિયર્સનું સુકાનીપદ છોડવાનો નિર્ણય કર્યો છે. ટીમના નેતૃત્વમાં નિરંતરતા યથાવત રહેવા માટે તેણે આ નિર્ણય લીધો છે. ખરાબ ફોર્મના કરાણે મેથ્યુઝ બહાર હોવાના કારણે ઘણી મેચોમાં ઓસ્ટ્રેલિયાના આરોન ફિન્ચે ટીમનું સુકાન સંભાળ્યું હતું.

મેથ્યુઝે એક નિવેદનમાં કહ્યું કે, એ અમારા હિતમાં છે કે, સુકાનીમાં સતત બદલાવ ના આવે, કારણ કે અમે પ્રત્યેક મેચમાં અલગ-અલગ પ્રતિસ્પર્ધીઓ વિરુદ્ધ સર્વશ્રેષ્ઠ સંતુલિત ટીમ ઉતારવાનો પ્રયત્ન કરી રહ્યાં છીએ. આ જોતા આરોન ફિન્ચ બાકી બચેલી અમારી તમામ મેચોમાં રમે તેવી સંભાવના છે અને તેથી એ તર્કસંગત છે કે તે અમારો સુકાની બની રહે. શ્રીલંકાના ઓલરાઉન્ડરે કહ્યું કે તે ટીમના સભ્ય બની રહેશે.

નોંધનીય છે કે, ચાલું આઇપીએલ શ્રેણીમાં પૂણે વોરિયર્સ દ્વારા સતત કંગાળ પ્રદર્શન કરવામાં આવી રહ્યું છે, અત્યાર સુધી તેણે રમેલી મેચોમાંથી માત્ર તેણે બે જ મેચોમાં વિજય મેળવ્યો છે.

English summary

The young Sri Lankan all rounder has been in poor form and dropped himself from the playing XI. Pune Warriors languish at the bottom of the IPL table with just two wins from 10 matches.