પૂજા સાથે ચેતેશ્વર પુજારાનું વેડ્લૉક

Updated: Thursday, February 14, 2013, 16:04 [IST]

રાજકોટ, 14 ફેબ્રુઆરીઃ ટીમ ઇન્ડિયાના મધ્યક્રમનો બેટ્સમેન ચેતેશ્વર પુજારા કાલે લગ્નગ્રંથિમાં બંધાઇ ગયો. આ વિવાહ સમારોહ પરિવારના સભ્યોના હાજરીમાં યોજાયો. સમારોહથી મીડિયાને દૂર રાખવામાં આવ્યું હતું. કાલે સાંજે 8.15 વાગ્યે કાર્યક્રમોનો પ્રારંભ થયો, લગ્નનું રિસેપ્શન આજે થશે.

ચેતેશ્વર પુજારાના પિતા અરવિંદ પુજારાએ જણાવ્યું કે આજે થનારા રિસેપ્શનમાં ભારતીય ટીમના તમામ સભ્યો અને બીસીસીઆઇના અધિકારીઓને આમંત્રિત કરવામાં આવ્યા છે. જેમાં ટીમ ઇન્ડિયાના ખેલાડીઓનું આવવું કદાચ સંભવ નહીં હોય, કારણ કે ટીમના મોટાભાગના ખેલાડીઓ ઓસ્ટ્રેલિયા વિરુદ્ધ થનારી શ્રેણીની તૈયારીઓમાં વ્યસ્ત છે.

પુજારાએ ઇંગ્લેન્ડ શ્રેણી પહેલા પુજા સાથે સગાઇ કરી હતી. તે 15 ફેબ્રુઆરીએ એનસીએ(નેશનલ ક્રિકેટ એકેડમી)માં સામેલ થશે. જ્યાં ઓસ્ટ્રેલિાય શ્રેણી પહેલા ત્રણ દિવસના કેમ્પનું આયોજન કરવામાં આવી રહ્યું છે.