• search
For Quick Alerts
ALLOW NOTIFICATIONS  
For Daily Alerts

સચિન પાસે બેટ છે, સુદર્શન ચક્ર નથીઃ સિદ્ધુ

|

નવીદિલ્હી, 28 નવેમ્બર: પૂર્વ ક્રિકેટર, રાજકારણી અને હવે સ્ટાર ક્રિકેટ પર હિન્દી કોમેન્ટેટર તરીકે નવી ઇનિંગ શરૂ કરનાર નવજોત સિંહ સિદ્ધુએ સચિન વિરુદ્ધ કરવામાં આવી રહેલી ટીકા ટિપ્પણીઓનો કરારો જવાબ આપ્યો છે. તેમણે કહ્યું છે કે સચિન પાસે બેટ છે, સુદર્શન ચક્ર નથી કે જેનાથી તે દરેક વખતે સફળતાં મેળવે.

sachin-batting
ભારતીય ટીમ માટે સચિન તેંડુલકરની ભૂમિકાને ઘણી જ મહત્વની ગણાવતા તેમણે બુધવારે કહ્યું કે માસ્ટર બ્લાસ્ટર પાસે બેટ છે, સુદર્શન ચક્ર નથી, જેનાથી તેને દરેક વખતે સફળતાં મળે. તેંડુલકરે છેલ્લી 10 ઇનિંગમાં માત્ર 153 રન બનાવ્યા છે જેને લઇને એ પ્રશ્ન ઉઠ્યો છે કે શું તેને ટીમમાં યથાવત રાખવો જોઇએ. સિદ્ધુએ તેંડુલકરને લઇને કરવામાં આવેલી ટીકાઓને ખારીજ કરી છે અને કહ્યું છેકે વર્તમાન સમયમા દેશ તેની નિવૃત્તિ અંગે વિચારી શકે નહીં.

સિદ્ધુએ એક ઇન્ટરવ્યુમાં કહ્યું કે, આપણી પાસે મિડલ ઓર્ડરમાં વીવીએસ લક્ષ્મણ, રાહુલ દ્રવિડ અને સૌરવ ગાંગુલી નથી. આપણને અનુભવની તાતી જરૂર છે અને જ્યાં સુધી કોઇ વિકલ્પ ના મળે ત્યાં સુધી તેંડુલકરની નિવૃત્તિ અંગે વિચારવું જોઇએ નહીં. જ્યારે જ્યારે સચિનની ટીકા થાય છે ત્યારે ત્યારે મને દુઃખ થાય છે, કારણ કે સચિન કોઇ વ્યક્તિ નથી પણ એક ઇન્સ્ટિટ્યૂશન છે. તે કોહિનૂર છે અને તેને કાચ બનાવી શકાય નહીં. હીરો હંમેશા હીરો રહે છે અને મને આશા છે કે તે આગામી બન્ને મેચોમાં પુનરાગમન કરશે.

જો કે સિદ્ધુએ સ્વિકાર કર્યો છે કે ઉમર વધવાની સાથે તેંડુલકરના રિફ્લેક્શન થોડાક નબળા પડ્યાં છે. તેમણે કહ્યું કે, તેના રિફ્લેક્શન કદાચ થોડા ધીમા થયા છે પરંતુ તે ઘણા અનુભવી છે. તેમણે 23 વર્ષ સુધી ઇન્ટરનેશનલ ક્રિકેટ રમ્યું છે. તે ખરાબ ફોર્મનું નિરાકરણ લાવશે. ભારત તરફથી 51 ટેસ્ટ અને 136 વનડે રમી ચુકેલા સિદ્ધુનું માનવું છે કે ઇંગ્લેન્ડ વિરુદ્ધ હાલની શ્રેણીમાં ટર્નિંગ વિકેટ ઉપરાંત કોઇ અન્ય વિકલ્પ નથી. મને લાગે છે કે ભારતીય ટીમમાં એક લેગ સ્પિનરની જરૂર છે.

સિદ્ધુએ કહ્યું કે આપણે અહીં સપાટ કે ઝડપી વિકેટ બનાવી શકીએ નહીં. તેથી આપણી પાસે ટર્નિંગ વિકેટ બનાવવા સિવાય આપણી પાસે કોઇ વિકલ્પ નથી. એટલું જરૂર છે કે લેગ સ્પિનરની જરૂર હતી. ઇતિહાસ સાક્ષી છે કે ઇંગ્લેન્ડના બેટ્સમેન શિવરામાકૃષ્ણન, શેન વોર્ન, અનિલ કુંબલે અને અમિત મિશ્રા જેવા સ્પિનર સામે પરેશાન રહ્યાં છે.

More india vs england NewsView All

English summary
Former India cricketer Navjot Singh Sidhu defended Sachin Tendulkar's poor form and said he is just a human being and not God, expressing confidence in the veteran batsman to do well in the remaining two Test matches against England at Kolkata and Nagpur.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more