Olympics 2024 : ઓલિમ્પિકમાં એન્ટ્રી સાથે જ પાકિસ્તાન શર્મશાર, કોમેન્ટેટરે પોલ પોલી
પેરિસ ઓલિમ્પિકની શરૂઆત થઈ ગઈ છે. ઓલિમ્પિકની શરૂઆત સાથે જ પાકિસ્તાન ચર્ચામાં આવ્યુ છે.
પેરિસ ઓલિમ્પિક 2024ના ઉદઘાટન સમારોહમાં એક કોમેન્ટેટરે પાકિસ્તાની ટીમને માર્ચ પાસ્ટમાં પ્રવેશતાની સાથે જ કહ્યું કે 240 મિલિયનની વસ્તી અને 7 એથ્લેટ્સ. હવે આ મુદ્દે ચર્ચા શરૂ થઈ છે.
હવે સોશિયલ મીડિયા પર આ ઇસ્લામિક દેશ પાકિસ્તાનની કિરકિરી શરૂ છે. જણાવી દઈએ કે આ વખતે પેરિસ ઓલિમ્પિકમાં પાકિસ્તાન તરફથી કુલ 18 સભ્યોની ટીમ મોકલવામાં આવી છે. તેમાં 7 ખેલાડીઓ અને 11 અધિકારીઓ સામેલ છે.
ઉદઘાટન સમારોહ દરમિયાન એક કોમેન્ટેટર કથિત રીતે જણાવ્યું કે, પાકિસ્તાન 240 મિલિયનથી વધુ લોકોનો દેશ છે, પરંતુ માત્ર 7 એથ્લેટ ઓલિમ્પિકમાં ભાગ લઈ રહ્યા છે" સ્થાનિક ભાષામાં કરવામાં આવેલી આ ટિપ્પણી બાદ પાકિસ્તાની મીડિયા હવે ઓલિમ્પિક આયોજકોને નિશાન બનાવી રહ્યું છે. અહીંના ઘણા પત્રકારોએ પણ આ માટે તેમની સરકારને ઘેરી છે.
આ ટિપ્પણી બાદ સોશિયલ મીડિયા પર પાકિસ્તાન સરકારની ટીકા થઈ રહી છે. એક યુઝરે લખ્યું કે, પાકિસ્તાન 240 મિલિયનથી વધુ લોકોનો દેશ છે, પરંતુ માત્ર 7 એથ્લેટ્સ ઓલિમ્પિકમાં આવ્યા છે, આ ખૂબ જ શરમજનક છે અને તેનાથી ઘણું દુઃખ પણ થાય છે. આના માટે કોણ જવાબદાર છે?
એક પોસ્ટમાં લખ્યું કે, પેલેસ્ટાઈનની વસ્તી 5.5 મિલિયન, એથ્લેટ્સ 8 પહોંચ્યા છે, પાકિસ્તાનની વસ્તી 240 મિલિયન એથ્લેટ્સ 7 પર પહોંચ્યા, અમે ખરેખર સળંગ સૌથી નીચા સ્તરે જઈ રહ્યા છીએ.
Click it and Unblock the Notifications
Sign in with Google
