Pak Vs Zim : T20 વર્લ્ડકપમાં મોટો ઉલટફેર, જિમ્બાબ્વે સામે પાકિસ્તાન હાર્યુ!
ભારત સામે કરારી હાર બાદ હવે પાકિસ્તાન જિમ્બાબ્વે જેવી નબળી ટીમ સામે પણ હાર્યુ છે. આ સાથે ટી20 વર્લ્ડકપમાં પાકિસ્તાન ટીમની મુશ્કેલીએ વધતી જોવા મળી રહી છે.
ભારત સામે કરારી હાર બાદ હવે પાકિસ્તાન જિમ્બાબ્વે જેવી નબળી ટીમ સામે પણ હાર્યુ છે. આ સાથે ટી20 વર્લ્ડકપમાં પાકિસ્તાન ટીમની મુશ્કેલીએ વધતી જોવા મળી રહી છે. જિમ્બાબ્વેએ આ મહત્વપુર્ણ મુકાબલામાં પાકિસ્તાનને એક રનથી હરાવ્યુ હતું.
પાકિસ્તાનને છેલ્લી ઓવરમાં 11 રનની જરૂર હતી, પરંતુ બ્રેડ ઈવાન્સની શાનદાર બોલિંગ સામે પાકિસ્તાન માત્ર 9 રન જ બનાવી શક્યુ હતું અને એક વિકેટ ગુમાવી હતી. અહીં પાકિસ્તાન માત્ર 129 રન જેવો મામુલી સ્કોર પણ બનાવી શક્યુ ન હતું. ઇવાન્સે 4 ઓવરમાં 25 રન આપીને 4 વિકેટ લીધી હતી. હવે સતત બે હાર બાદ પાકિસ્તાનનો સેમીફાઈનલમાં પહોંચવાનો રસ્તો મુશ્કેલ બની ગયો છે.
પાકિસ્તાન ટીમની બેટિંગની વાત કરીએ તો, ઈનિગ્સની શરૂઆત બહુ ખાસ રહી ન હતી. ઓપનર મોહમ્મદ રિઝવાન માત્ર 14 રન બનાવીને પેવેલિયન પરત ફર્યો હતો, જ્યારે કેપ્ટન બાબર આઝમ 4 રન બનાવીને આઉટ થયો હતો. પાકિસ્તાનની 3 વિકેટ માત્ર 36 રનના સ્કોર પર પડી ગઈ હતી. ઈફ્કિખાર અહેમદ 5 રનના સ્કોર પર આઉટ થયો હતો. જો કે આ પછી શાન મસૂદે શાદાબ ખાન સાથે મળીને ટીમનો સ્કોર આગળ વધાર્યો હતો. પરંતુ શાદાબ ખાન 17 રનના સ્કોર પર આઉટ થયો હતો.
પાકિસ્તાનની ટીમે 13.4 ઓવરમાં 88 રનમાં 4 વિકેટ ગુમાવી દીધી હતી. શાદાબ ખાનના આઉટ થયા બાદ બેટિંગ કરવા આવેલા હૈદર અલી પણ પહેલા જ બોલ પર આઉટ થઈને પેવેલિયન પરત ફર્યો હતો. જે બાદ પાકિસ્તાનનો સ્કોર 14 ઓવરમાં 88 રનમાં 5 વિકેટે થઈ ગયો હતો. પાકિસ્તાનને મોટો આંચકો ત્યારે લાગ્યો જ્યારે સેટ બેટ્સમેન શાન મસૂદ 44 રનના સ્કોર પર સ્ટમ્પ થઈ આઉટ થયો.
Click it and Unblock the Notifications
Sign in with Google
