રસાકસી ભરેલી મેચમાં સાઉથ આફ્રિકા સામે પાકિસ્તાનનો વિજય

કોલંબો, 28 સપ્ટેમ્બરઃ સાઉથ આફ્રિકા સામેના સુપર-8 મુકાબલામાં પાકિસ્તાનનો 2 વિકેટથી રસાકસીભર્યો વિજય થયો છે. શરૂઆતમાં કપરી સ્થિતિમા મુકાયેલા પાકિસ્તાન માટે ઉમર અકમલ અને ઉમર ગુલે શાનદાર પ્રદર્શન કર્યું હતું. ઉમર અકમલે 44 રનની જ્યારે ઉમર ગુલે 32 રનની ઇનિંગ રમીને પાકિસ્તાને હારમાંથી ઉગાર્યું હતું. સાઉથ આફ્રિકા તરફથી આપવામાં આવેલા 133 રનના લક્ષ્યાંકને પાકિસ્તાને 8 વિકેટ ગુમાવીને 19.4 ઓવરમાં હાંસલ કરી લીધો હતો.

સાઉથ આફ્રિકાએ ટોસ જીતીને પ્રથમ બેટિંગ કરવાનો નિર્ણય કરતાં નિર્ધારિત 20 ઓવરમાં છ વિકેટ ગુમાવીને 133 રન બનાવ્યા હતા. આફ્રિકા તરફથી ડ્યુમિનીએ 48 રનની જ્યારે એબીડી વિલિયર્સે 25 રનની ઇનિંગ રમી હતી. બીજી તરફ પાકિસ્તા તરફથી આરફાત, હાફીઝે બે-બે વિકેટ જ્યારે ગુલ અને અજમલે એક-એક વિકેટ મેળવી હતી.

સાઉથ આફ્રિકા તરફથી મળેલા લક્ષ્યાંકનો પીછો કરી રહેલા પાકિસ્તાનની શરૂઆત ધમાકેદાર રહી હતી, પરંતુ હાફિઝ અને નાઝિરની વિકેટ પડ્યાં બાદ પાકિસ્તાનની બાજી લડખડાઇ હતી. એક તબક્કે સ્થિતિ એવી થઇ ગઇ હતી કે પાકિસ્તાન હારની કગાર પર આવી ગયું હતું. પરંતુ ઉમર અઝમલે 43 રનની જ્યારે બોલર ઉમર ગુલે 32 રનની શાનદાર ઇનિંગ રમીને પાકિસ્તાનને વિજયી બનાવવામાં મહત્વની ભૂમિકા ભજવી હતી.

English summary

Yet another fabulous performance by Pakistan as Umar Akmal and Umar Gul rose to the occasion after being seven down, to win by two wickets.