Paris Olympics 2024 : 3 દિવસ હોસ્પિટલમાં રહ્યાં બાદ બોક્સર પ્રીતિ પવારે જીત સાથે શરૂઆત કરી
પેરિસ ઓલિમ્પિકમાં શુટિંગ બાગ હવે બોક્સિંગમાંથી પણ સારા સમાચાર આવ્યા છે. એશિયન ગેમ્સમાં બ્રોન્ઝ મેડલ જીતનારી પ્રીતિ પવારે જીત સાથે શરૂઆત કરી છે.
3 દિવસ હોસ્પિટલમાં રહ્યાં બાદ મહિલા બોક્સિંગ 54 કિગ્રા ઈવેન્ટના પ્રથમ રાઉન્ડમાં પ્રીતિએ વિયેતનામની વો થી કિમ એનહને 5-0થી પરાજય આપ્યો છે.
પ્રથમ મેચમાં જીત સાથે પ્રીતિ રાઉન્ડ ઓફ 16માં પહોંચી ગઈ છે, જેમાં તેનો સામનો વર્લ્ડ ચેમ્પિયનશિપ સિલ્વર મેડલ વિજેતા કોલંબિયાની યેની એરિયસ સામે થશે.
કિમ સામેની મેચમાં પ્રીતિએ જજોના નિર્ણયમાં પ્રથમ રાઉન્ડમાં પાછળ પડ્યા બાદ પુનરાગમન કર્યું અને સર્વસંમતિથી જીત મેળવી.
20 વર્ષની યુવા મહિલા બોક્સર પ્રીતિ પવારે ગયા વર્ષે એશિયન ગેમ્સમાં બ્રોન્ઝ મેડલ જીત્યો હતો અને ભારતને પેરિસ ઓલિમ્પિકમાં તેની પાસેથી મેડલની આશા છે.
પ્રીતિએ ધીમી શરૂઆત બાદ વિયેતનામની કિમ સામે જોરદાર વાપસી કરી. પ્રથમ રાઉન્ડના અંતે તેણી કેટલાક ખૂબ જ અદભૂત મુક્કા માર્યા જેનો કિમ પાસે કોઈ જવાબ નહોતો. પ્રથમ રાઉન્ડ વિયેતનામીસ કિમ એનહે 3-2 વિભાજનના નિર્ણયથી જીત્યો હતો.
બીજા રાઉન્ડમાં પ્રીતિ શરૂઆતથી જ આક્રમક દેખાતી હતી અને તેણે હૂક સાથે જબનું ઉત્તમ સંકલન બતાવીને આ રાઉન્ડ જીતી લીધો.
ત્રીજા અને નિર્ણાયક રાઉન્ડમાં ભારતીય બોક્સરે આક્રમક કિમને સંપૂર્ણપણે પાછળના પગ પર ધકેલી દીધી હતી. પ્રીતિએ આ રાઉન્ડ જીતીને રાઉન્ડ ઓફ 16માં પોતાનું સ્થાન નિશ્ચિત કરી લીધું છે.
Click it and Unblock the Notifications
Sign in with Google
