અમે એક યુનિટની જેમ રમી રહ્યાં છીએઃ પોન્ટિંગ

મુંબઇ, 10 એપ્રિલઃ દિલ્હી ડેરડેવિલ્સ સામેની મેચમાં વિજય મેળવ્યા બાદ પોન્ટિંગ પત્રકારોને જણાવ્યું કે તેમની ટીમ એક યુનિટની જેમ રમી રહી છે. પોન્ટિંગે દિલ્હીના ઓપનિંગ બેટ્સમેન ઉનમુક્ત ચંદના શાનદાર કેચ અંગે કહ્યું છેકે, આ કેચ દરમિયાન મારો પગ લપસી ગયો હતો. ત્યાર બાદ મે મારી જાતને સંભાળી અને કેચ પકડી લીધો હતો. હું મારી ટીમના પ્રદર્શનથી ઘણો ખુશ છું.

તેમણે કહ્યું કે, આટલો મોટ સ્કોર ખુશીનો વિષય છે. અમે એક યુનિટની જેમ રમવા લાગ્યા છીએ. અમે નક્કી કર્યું હતું કે દરેક ખેલાડી પૂરી આઝાદી સાથે રમશે અને આજે દિનેશ કાર્તિક અને રોહિત શર્માએ બિલકુલ એવું જ કર્યું છે. અમે જાણતા હતા કે વોર્નરની વિકેટ લઇને અમે સહેલાઇથી મેચ જીતી શકીએ છીએ અને એવું જ થયું.

નોંધનીય છે કે, મુંબઇ ઇન્ડિયન્સે પહેલા બેટિંગ કરતા દિલ્હી ડેરડેવિલ્સ સામે 210 રનનો લક્ષ્યાંક મુક્યો હતો. પરંતુ દિલ્હીની ટીમ વોર્નરના 61 રનના યોગદાન પછી પણ લક્ષ્યથી 44 રન દૂર રહી ગઇ હતી. આ દિલ્હીની સતત ત્રીજી હાર છે, જ્યારે મુંબઇએ ત્રણ મેચોમાં બીજી બે મેચોમાં વિજય મળવ્યો છે.

English summary

After won against delhi, mumbai captian ricky ponting said that we are playing like a unit.