સચિનથી હજી પણ કઇ શીખી શકું છું: પોન્ટિંગ

નવી દિલ્હી, 7 ફેબ્રુઆરી: ઓસ્ટ્રેલિયાના પૂર્વ કપ્તાન રિકી પોન્ટિંગ આઇપીએલની મુંબઇ ઇન્ડિયન્સ ટીમનો ભાગ બનવાથી ઉત્સાહિત છે. આંતરરાષ્ટ્રીય ક્રિકેટને અલવિદા કહી ચૂકેલા પોન્ટિંગે કહ્યું કે તે હજી પણ સચિન તેંડુલકર પાસે કંઇક શીખી શકે છે.

ઓસ્ટ્રેલિયન મીડિયા થકી પોન્ટિંગે જણાવ્યું કે જેવી નીલામી પૂરી થઈ મે સચિનને મેસેજ કર્યો કે હું તેમની સાથે રમવા માટે ઉત્સાહીત છું. હું વિચારું છું કે હજી પણ તેમની પાસેથી કંઇક શીખી શકું છું. આશા છે કે કેટલીક બાબતો તેમને મારાથી પણ શીખવા મળશે.

38 વર્ષના પોન્ટિંગે કહ્યું કે હું અને સચિન એક-બીજાની સામે ઘણી વખત રમી ચૂક્યા છીએ અને મેદાનની બહાર પણ ઘણો સમય વીતાવી ચૂક્યા છીએ. અમારું સાથે સાથે રમવું રોમાંચક રહેશે. પોન્ટિંગના સંદેશ બાદ સંદેશનો જવાબમાં સચિને પણ લખ્યું હતું કે આપણું સાથે રમવું ખુબજ રોમાંચક રહેશે.

English summary

Soon after Mumbai Indians bought former Australia captain Ricky Ponting in the IPL 6 Player Auction, the batsman exchanged text messages with Sachin Tendulkar and said he was looking forward to playing with the Master Blaster.