IPL-6: રોમાંચક મુકાબલામાં બેંગલોરે મુંબઇને આપી માત

Published: Friday, April 5, 2013, 11:57 [IST]

બેંગલોર, 5 એપ્રિલ: આઇપીએલ સીઝન છના એક રોમાંચક મુકાબલામાં બેંગલોરે મુંબઇની ટીમને 2 રનથી હરાવી દિધું. મેચનો ફેસલો છેલ્લા બોલ પર થયો. ક્રિસ ગેઇલે આઇપીએલની શરૂઆતમાં પોતાના ઝલવા બતાવ્યા છે. તેણે અણનમ રહેતા શાનદાર 92 રન ફટકારી તેમજ આર. વિનય કુમારે માત્ર 27 રન આપી 3 વિકેટના કારણે બેગલોરને વિજય અપાવ્યો હતો.

અંતિમ ઓવરમાં મુંબઇને જીત માટે 10 રનોની જરૂરીયાત હતી, પરંતુ તેના બેટ્સમેન માત્ર સાત રન જ બનાવી શક્યા. વિનયે છેલ્લી ઓવરમાં ન માત્ર દિનેશ કાર્તિક 60, અને અંબાતી રાયડુ 18 ના વિકેટ લીધી, પરંતુ કિરણ પોલાર્ડ જેવા હાર્ડ હિટરને બે બોલો પર પાંચ રન જ લેવા દીધા. પોલાર્ડ પાંચ રનો પર અણનમ રહ્યા.

કાર્તિક, કપ્તાન રિકી પોટિંગ 28, સચિન તેંડુલકર 23 રાયડુના સારા એવા પર્ફોમન્સના કારણે મુંબઇએ એક હિસાબે બેંગલોર પાસેથી મેચ છીનવી લીધી હતી. 19મી ઓવર સુધી મુંબઇનું પલડું ભારી રહ્યું હતું. પરંતુ વિનયએ પોતાની ટીમને શાનદાર વિજય અપાવ્યો.

Published On April 5, 2013