RR vs DC :જોસ બટલરના બેટથી સદી સાથે રેકોર્ડનો વરસાદ, કોહલીનો મોટો રેકોર્ડ પણ જોખમમાં!
ઈન્ડિયન પ્રીમિયર લીગ (IPL) 2022 ની 34મી મેચમાં રાજસ્થાન રોયલ્સના ઓપનર જોસ બટલરે દિલ્હી કેપિટલ્સ સામે બોલરો પર આતંક મચાવ્યો હતો.
નવી દિલ્હી : ઈન્ડિયન પ્રીમિયર લીગ (IPL) 2022 ની 34મી મેચમાં રાજસ્થાન રોયલ્સના ઓપનર જોસ બટલરે દિલ્હી કેપિટલ્સ સામે બોલરો પર આતંક મચાવ્યો હતો. વર્તમાન સિઝનમાં બટલરનું બેટ સતત રન બનાવી રહ્યું છે. મુંબઈના વાનખેડે સ્ટેડિયમમાં ટોસ હાર્યા બાદ પ્રથમ બેટિંગ કરવા આવેલી રાજસ્થાનની ટીમ માટે બટલરે સદી ફટકારી હતી. બટલરે માત્ર 57 બોલમાં પોતાની સદી પૂરી કરી હતી. ત્યારબાદ બટલર 65 બોલમાં 116 રન બનાવીને આઉટ થયો હતો, જેમાં 9 ફોર અને 9 સિક્સ સામેલ હતી. આ ઇનિંગ સાથે બટલરે રોયલ ચેલેન્જર્સ બેંગ્લોરના બેટ્સમેન વિરાટ કોહલીનો મોટો રેકોર્ડ જોખમમાં મૂક્યો હતો.

બટલરની ત્રીજી સદી ફટકારી
આ સિઝનમાં બટલરની આ ત્રીજી સદી છે. બટલરે 7 મેચમાં 3 સદી ફટકારી છે. આ સાથે તે એક સિઝનમાં સૌથી વધુ સદી ફટકારનાર બીજો બેટ્સમેન બની ગયો છે. બટલર પહેલા ક્રિસ ગેલ, હાસિલ અમલા, શિખર ધવન અને શેન વોટસન એવા બેટ્સમેન છે જેમણે કોઈપણ એક સિઝનમાં બે સદી ફટકારી હોય. બટલરે IPL 2022માં ત્રણ સદી ફટકારી છે. વિરાટ કોહલી હવે તેનાથી આગળ છે. કોહલીએ 2016 IPLમાં 4 સદી ફટકારી હતી.

એક સિઝનમાં સૌથી વધુ સદી ફટકારનાર બેટ્સમેન
વિરાટ કોહલી - 4 સદી (2016)
જોસ બટલર - 3 સદી (2022)*
ક્રિસ ગેલ-2 સદી (2011)
હાશિમ અમલા - 2 સદી (2017)
શિખર ધવન-2 સદી (2020)
શેન વોટસન-2 સદી (2018)

કોહલીનો મોટો રેકોર્ડ પણ ખતરામાં
આ સાથે બટલરે આઈપીએલ ઈતિહાસમાં કોહલીનો રેકોર્ડ પણ જોખમમાં મૂક્યો છે. જે કોઈપણ એક સિઝનમાં સૌથી વધુ રન બનાવનાર ખેલાડી છે. કોહલીએ 2016માં રમાયેલી 16 મેચોમાં 4 સદી અને 7 અડધી સદીની મદદથી 973 રન બનાવ્યા હતા. આ એક સિઝનમાં બેટ્સમેન દ્વારા બનાવવામાં આવેલો સર્વોચ્ચ સ્કોર છે. પરંતુ આ વખતે જે રીતે બટલર રમતો જોવા મળી રહ્યા છે તે જોઈને લાગી રહ્યું છે કે તે કોહલીનો આ રેકોર્ડ તોડી નાખશે. બટલરે માત્ર 7 મેચમાં 500ની નજીક રન બનાવ્યા છે. આ સ્થિતિમાં બટલર પાસે આ વખતે કોહલી કરતા વધુ રન બનાવવાની સુવર્ણ તક છે, કારણ કે હજુ અડધી જ ટુર્નામેન્ટ પુરી થઈ ગઈ છે.

બટલર રંગમાં જોવા મળ્યો
આ સિઝનમાં બટલર રંગમાં જોવા મળી રહ્યો છે. તેણે આ સિઝનમાં પોતાની પ્રથમ સદી મુંબઈ ઈન્ડિયન્સ સામે ફટકારી હતી. તેણે 68 બોલમાં 100 રન બનાવ્યા હતા. ત્યારબાદ કોલકાતા નાઈટ રાઈડર્સ સામે બટલરે 61 બોલમાં 103 રન બનાવ્યા અને સિઝનની બીજી સદી ફટકારી. હવે તેણે દિલ્હી સામે સિઝનની ત્રીજી વ્યક્તિગત સદી ફટકારી છે.

બટલરની અત્યાર સુધીની ઇનિંગ્સ -
સનરાઇઝર્સ હૈદરાબાદ વિરુદ્ધ 35 રન
મુંબઈ ઈન્ડિયન્સ વિરુદ્ધ 100 રન
રોયલ ચેલેન્જર્સ બેંગ્લોર વિરુદ્ધ 70* રન
લખનૌ સુપર જાયન્ટ્સ વિરુદ્ધ 13 રન
ગુજરાત ટાઇટન્સ વિરુદ્ધ 54 રન
કોલકાતા વિરુદ્ધ 103 રન
દિલ્હી કેપિટલ્સ વિરુદ્ધ 116 રન
-
ગુજરાતમાં ગરમીનો પારો વધ્યો, સૌથી વધુ ગરમી વડોદરા અને અમરેલીમાં નોંધાઈ, જાણો હવામાન વિભાગની આગાહી -
ભારતને ઈરાનનો મોટો પ્રસ્તાવ, ક્રૂડ ઓઈલ અને ગેસ સપ્લાયની ઓફર -
સોના-ચાંદીના ભાવમાં ફરી મોટો ઘટાડો, જાણો આજના લેટેસ્ટ રેટ -
અમેરિકાના ટેક્સાસમાં વેલેરો રિફાઇનરીમાં વિસ્ફોટ થતા હંગામાનો માહોલ -
ગુજરાતમાં આજથી ચણા-રાયડાની ટેકાના ભાવે ખરીદી શરૂ, 2.96 લાખ ખેડૂતોને ફાયદો થશે -
સોના-ચાંદીના ભાવમાં મોટો કડાકો, જાણો આજના તાજા ભાવ -
ગુજરાતમાં પેટ્રોલની અછત હોવાની વાત ફેલાતા હંગામો, જાણો સરકારે શું કહ્યું? -
પીએમ નરેન્દ્ર મોદીએ ગેસ સંકટ મુદ્દે મૌન તોડ્યુ, જાણો શું કહ્યું? -
સ્થાનિક સ્વરાજની ચૂંટણી માંટે AAP એ 460 ઉમેદવારોની પ્રથમ યાદી જાહેર કરી -
ગુજરાતમાં બીજા દિવસે પણ પેટ્રોલ-ડીઝલને લઈને હંગામો યથાવત, લાંબી લાઈનો લાગી -
VerSe Innovation : નફાકારકતા અને AI તરફ મજબૂત ડગલુ, ભવિષ્યમાં IPO લાવવાની યોજના -
ગુજરાતના માછીમારોને રાહત, ડીઝલના ભાવમાં 22.43 રૂપિયાનો વધારો પાછો ખેંચાયો







Click it and Unblock the Notifications
