વિઝડનની બેસ્ટ ટેસ્ટ ટીમમાં એકમાત્ર ભારતીય, સચિન

By Super

Updated: Monday, February 16, 2015, 13:07 [IST]

લંડન, 24 ઓક્ટોબરઃ ભારતીય સ્ટાર બેટ્સમેન સચિન તેંડુલકરને બુધવારે વિઝડનની ઓલ ટાઇમ બેસ્ટ વર્લ્ડ ટેસ્ટ ઇલેવન માટે પસંદ કરવામાં આવ્યો. તેંડુલકરે આગામી મહિને મુંબઇમાં વેસ્ટ ઇન્ડિઝ વિરુદ્ધ પોતાની 200મી ટેસ્ટ રમ્યા બાદ ટેસ્ટ ક્રિકેટમાંથી નિવૃત્તિ લેવાનો નિર્ણય કર્યો છે. વિઝડનને 150 વર્ષ પૂર્ણ થઇ રહ્યાં હોય, ટીમની જાહેરાત કરવામાં આવી હતી, જો કે, તેમાં ભારતીય ક્રિકેટ ટીમમાંથી એકમાત્ર સચિન તેંડુલકરનો જ સમાવેશ કરવામાં આવ્યો છે, જ્યારે આ યાદીમાં દક્ષિણ આફ્રિકાનો એકપણ ખેલાડી નથી. જ્યારે સૌથી વધુ ખેલાડી ઇંગ્લેન્ડ અને વેસ્ટ ઇન્ડિઝના છે.

આ યાદીમાં સચિન તેંડુલકરને ટીમમાં ચૌથા સ્થાન પર મુકવામા આવ્યો છે. મહાન ઓસ્ટ્રેલિયન ખેલાડી ડોન બ્રેડમેનની આગેવાનીવાળી ટીમમાં ઇંગ્લેન્ડના ચાર, વેસ્ટ ઇન્ડિઝના ત્રણ, ઓસ્ટ્રેલિયાના બે અને ભારત તથા પાકિસ્તાનના એક-એક ખેલાડીનો સમાવેશ કરવામાં આવ્યો છે. સચિન તેંડુલકર સમકાલીન બ્રાયન લારા, રિકી પોન્ટિંગ અને જેક કાલિસ પણ ટીમમાં સ્થાન બનાવી શક્યા નથી, તેમજ આ ટીમમાં સુનિલ ગાવસ્કર અને કપિલ દેવને પણ સ્થાન આપવામાં આવ્યું નથી. તો ચાલો તસવીરો થકી જોઇએ આ યાદીમાં કયા કયા ખેલાડીઓ છે.