સાઇના ડેનમાર્ક ઓપનના સેમિફાઇનલમાં પહોંચી

ઓડેન્સ, 20 ઓક્ટોબર: ભારતીય સ્ટાર સાઇના નેહવાલે સ્થાનીય ખેલાડી ટાઇન બાઉનને માત આપી ડેનમાર્ક ઓપન બેડમિન્ટન ટૂર્નામેન્ટના સેમિફાઇનલમાં સ્થાન બનાવી લીધુ છે, હવે તેનો મુકાબલો દુનિયાની નંબર એક ખેલાડી યિહાન વાંગ સાથે થશે.

ત્રીજા ક્રમની સાઇનાએ પાંચમાં ક્રમની બાઉનને 21-10, 21-11થી હરાવવામાં માત્ર 33 મિનિટનો જ સમય લીધો હતો. હવે સાઇનાનો એવી ખેલાડી સાથે મુકાબલો છે જેણે છેલ્લા છ મુકાબલામાં તેને માત આપી છે.

લંડન ઓલિમ્પિકમાં કાંસ્ય પદક જીતીને ઇતિહાસ રચ્યા બાદ સાઇનાની આ પ્રથમ ટૂર્નામેન્ટ છે. શુક્રવારે સાઇનાને આ મેચમાં કોઇ મહેનત કરવી પડી ન હતી. સાઇનાએ સરળતાથી આ મેચમાં વિજય મેળવી લીધો હતો.

જોકે સાઇનાને સેમિફાઇનલમાં વાંગનો સામનો કરવો પડશે. વાંગે લંડન ઓલિમ્પિકમાં સેમિફાઇનલમાં સાઇનાને માત આપી હતી.

English summary

Indian shuttler Saina Nehwal set up a semi-final clash against old nemesis and world number one Yihan Wang of China after easing past local hope Tine Baun in straight games at the Denmark Open badminton tournament here.