રવિન્દ્ર જાડેજા ચમક્યો, સૌરાષ્ટ્રનો 270 રને વિજય
સૌરાષ્ટ્રની ટીમ હવે પાંચ મેચોમાં 15 અંક મેળવી બીજા નંબરે પહોંચી ગઇ છે, જ્યારે આ સત્રમાં બંગાળની ત્રીજા હાર છે અને બાકી રહેલી મેચોમાં ટીમ મનોજ તિવારી વિના રમશે તેના છ મેચોમાં સાત અંક છે. સૌરાષ્ટ્રની ટીમે ગઇકાલે બંગાળને જીત માટે 431 રનનો ટાર્ગેટ આપ્યો હતો, બંગાળે આજે સવારે ત્રણ વિકેટના નુકારે 65 રનથી આગળ રમાવાનું શરૂ કર્યું હતું અને સૌરાષ્ટ્રના બોલરોના સારા પ્રદર્શનને કારણે આખી ટીમ 22.4 ઓવરમાં 160 રનમાં પેવેલિયન ભેગી થઇ ગઇ હતી.
સૌરાષ્ટ્ર માટે રવિન્દ્ર જાડેજાએ પ્રથમ અને બીજા દાવમાં ચાર-ચાર વિકેટ ઝડપી હતી. જ્યારે બેટીંગ કરતાં 70 અને 68 રન ફટકારી બે અર્ધસદી ફટકારી હતી. હવે તે નાગપુર ટેસ્ટ માટે રવાના થશે.
નયન દોષીએ પ્રથમ અને બીજા દાવમાં ત્રણ-ત્રણ વિકેટ ઝડપી હતી. સૌરાષ્ટ્રની ટીમે પ્રથમ દાવમાં 209 જ્યારે બીજા દાવમાં આઠ વિકેટના નુકસાને 333 રન બનાવ્યા હતા. બંગાળ પ્રથમ દાવમાં 112 રન જ બનાવી શક્યું હતું.
Click it and Unblock the Notifications
Sign in with Google
