CWG games 2022: જુડોથી ભારતને મળ્યા વધુ 2 મેડલ, સુશીલા દેવીએ કૉમનવેલ્થ ગેમ્સમાં રચ્યો ઈતિહાસ
કૉમનવેલ્થ ગેમ્સ 2022માં સોમવારે ભારતને વધુ 2 મેડલ મળ્યા છે.
બર્મિગહામઃ કૉમનવેલ્થ ગેમ્સ 2022માં સોમવારે ભારતને વધુ 2 મેડલ મળ્યા છે. આ બંને મેડલ જુડોમાં મળ્યા હતા. એક તરફ સુશીલા દેવીએ જુડોમાં 48 કિલો વજન કેટેગરીમાં સિલ્વર મેડલ જીત્યો છે. બીજી તરફ જુડોમાં જ વિજય યાદવે સાયપ્રસના પેટ્રોસ ક્રિસ્ટોડ્યુલિડ્સને હરાવીને બ્રોન્ઝ મેડલ જીત્યો હતો. તમને જણાવી દઈએ કે આ બે મેડલ બાદ ભારતના કુલ મેડલની સંખ્યા 8 થઈ ગઈ છે. જેમાંથી 3 ગોલ્ડ મેડલ, 3 સિલ્વર અને 2 બ્રોન્ઝ મેડલ છે.
સુશીલા દેવીએ નામ કર્યો આ રેકૉર્ડ
તમને જણાવી દઈએ કે જુડોમાં સુશીલા દેવીએ સિલ્વર મેડલ જીતીને એક મોટો રેકોર્ડ બનાવ્યો છે. વાસ્તવમાં, સુશીલા દેવી કૉમનવેલ્થ ગેમ્સના ઈતિહાસમાં જુડોમાં એકથી વધુ મેડલ જીતનાર પ્રથમ ભારતીય બની ગઈ છે. 27 વર્ષીય સુશીલા દેવીએ કૉમનવેલ્થ ગેમ્સ 2022માં મહિલાઓની 48 કિગ્રા વર્ગમાં દક્ષિણ આફ્રિકાની મિકેલા વ્હીબોઈ સામે હાર્યા બાદ સિલ્વર મેડલ જીત્યો હતો. સુશીલાએ 2014 કૉમનવેલ્થ ગેમ્સમાં પણ સિલ્વર મેડલ જીત્યો હતો.
સતત બે મેચ જીતી હતી સુશીલા દેવી
તમને જણાવી દઈએ કે સુશીલા દેવીનો સિલ્વર મેડલ સોમવારે ભારતનો પહેલો મેડલ હતો. તેણે ક્વાર્ટર ફાઇનલમાં મલાવીની હેરિયેટ બોનફોસને હરાવીને શાનદાર પ્રદર્શન કર્યુ હતુ. આ પછી સુશીલાએ સેમીફાઇનલમાં મોરેશિયસની પ્રિસિલા મોરાન્દને હરાવી હતી. સુશીલા પાસે પણ ગોલ્ડ જીતવાની તક હતી પરંતુ ફાઇનલમાં દક્ષિણ આફ્રિકાની મિકેલા વ્હીબોઈએ સુશીલાને આર્મ લોક દ્વારા હરાવી. આ રીતે મિકેલાએ ગોલ્ડ પોતાના નામે કરી લીધો.
પીએમ મોદીએ આપ્યા અભિનંદન
વડાપ્રધાન નરેન્દ્ર મોદીએ સુશીલા દેવી અને વિજય યાદવને તેમના પ્રદર્શન બદલ અભિનંદન પાઠવ્યા છે. પીએમ મોદીએ સુશીલા દેવી વિશે કહ્યુ છે કે હું તમારી રમત જોઈને ચોંકી ગયો છુ, સિલ્વર મેડલ જીતવા પર ખૂબ ખૂબ અભિનંદન. તેણે મહાન કૌશલ્ય બતાવ્યુ. સુશીલાને ભવિષ્ય માટે શુભકામનાઓ. બીજી તરફ વિજય યાદવને લઈને પીએમ મોદીએ કહ્યુ છે કે દેશને તમારા પર ગર્વ છે. તમારી સફળતા ભારતમાં રમતગમતને પ્રોત્સાહન આપશે. ભવિષ્યમાં તે વધુ સફળ થાય અને ઘણા રેકોર્ડ બનાવે અને નવી ઊંચાઈઓને સ્પર્શે.
Click it and Unblock the Notifications
Sign in with Google
