2022માં આ ભારતીય બોલરે સૌથી વધુ વિકેટ લીધી, આ છે ટોપ 5 ખેલાડી
2022નું વર્ષ બોલિંગમાં યુઝવેન્દ્ર ચહલના નામે રહ્યું છે. ભારતીય બોલર લેગ સ્પિનર યુઝવેન્દ્ર ચહલે આ વર્ષે 32 ઇનિંગ્સમાં 44 વિકેટ લીધી છે.
ક્રિકેટના મેદાન પર ભારત માટે 2022નું વર્ષ સારૂ નથી રહ્યું. ટી20 વર્લ્ડકપમાં ખરાબ રીતે હારને લઈને સતત વિવાદો ચાલતા રહ્યા છે. આ વર્ષે રોહિત શર્માની કેપ્ટનશીપ અને સ્ટાર ખેલાડીઓના પ્રદેશન પર પણ ઘણા સવાલો ઉઠ્યા છે. જો કે આ બધી ઘટનાઓ વચ્ચે ભારતીય બોલરોએ ઘણુ સારૂ પ્રદર્શન કર્યુ છે. આજે આપણે ભારતના 2022ના ટોપ 5 બોલર વિશે વાત કરવાના છીએ.
યુઝવેન્દ્ર ચહલ
2022નું વર્ષ બોલિંગમાં યુઝવેન્દ્ર ચહલના નામે રહ્યું છે. ભારતીય બોલર લેગ સ્પિનર યુઝવેન્દ્ર ચહલે આ વર્ષે 32 ઇનિંગ્સમાં 44 વિકેટ લીધી છે. ખાસ વાત એ છે કે યુઝવેન્દ્ર ચહલે આ તમામ વિકેટ માત્ર વનડે અને ટી-20માં જ લીધી છે.
અક્ષર પટેલ
અક્ષર પટેલ પણ સફળ બોલરોની યાદીમાં સામેલ છે. આ વર્ષે ભારત માટે અક્ષર પટેલ બીજો સૌથી સફળ બોલર રહ્યો છે. અક્ષર પટેલે 35 ઇનિંગ્સમાં કુલ 42 વિકેટ લીધી છે.
મોહમ્મદ સિરાજ
મોહમ્મદ સિરાજ માટે 2022નું વર્ષ યાદગાર રહેશે. તે આ વર્ષે ભારત માટે ત્રીજો સૌથી વધુ વિકેટ લેનાર બોલર બન્યો છે. મોહમ્મદ સિરાજે વર્ષ 2022માં 27 ઇનિંગ્સમાં 41 વિકેટ ઝડપી છે.
જસપ્રીત બુમરાહ
જસપ્રીત બુમરાહ ભારતીય ટીમનો મહત્વનો બોલર છે. આ લિસ્ટમાં તે ચૌથા નંબરે છે અને બુમરાહે આ વર્ષે 20 ઇનિંગ્સમાં 39 વિકેટ લીધી છે. તેની ધારદાર બોલરોથી તે બેટ્સમેનની મુશ્કેલી વધારે છે.
ભુવનેશ્વર કુમાર
ભારતીય ટીમના અનુભવી બોલરોમાંથી એક ભુવનેશ્વર કુમાર આ વર્ષે ટીમ ઈન્ડિયા તરફથી સૌથી વધુ વિકેટ લેનારા બોલરોમાં પાંચમા નંબરે છે. ભુવનેશ્વર કુમારે 2022માં 33 ઇનિંગ્સમાં કુલ 37 વિકેટ ઝડપી છે.