હાર સહન ના થતા કોહલી સાથે બાખડ્યો એન્ડરસન

અમદાવાદ, 19 નવેમ્બરઃ અમદાવાદ ખાતે રમાયેલી શ્રેણીની પ્રથમ ટેસ્ટ મેચ ભારતે પાંચમાં દિવસે નવ વિકેટથી જીતી લીધી છે. જો કે, પાંચમાં દિવસે ભારત અને ઇંગ્લેન્ડના ખેલાડીઓ વચ્ચે તણખા જર્યા હતા, ત્યારે મહદઅંશે વાતાવરણમાં ગરમાવો આવી ગયો હતો. આ ઘટના ત્યારે ઘટી જ્યારે ઇંગ્લેન્ડ દ્વારા ભારતને જીત માટે 77 રનનો ટાર્ગેટ આપ્યો હતો. જેનો પીછો કરી રહેલી ટીમ ઇન્ડિયા જીતની નજીક હતી અને મેદાન પર ચેતેશ્વર પૂજારા અને વિરાટ કોહલી હતા.

જીત તરફ આગળ વધી રહેલી ટીમ ઇન્ડિયાની સફળતાંને નહીં જોવાતા ઇંગ્લેન્ડના બોલર જેમ્સ એન્ડરસને ભારતીય બેટ્સમેન વિરાટ કોહલી સાથે બોલાચાલી કરી હતી. ચર્ચા ઉગ્ર બની જતા મેદાન પર ઉપસ્થિત અમ્પાયર્સે દખલગીરી કરી હતી. કોહલીએ અમ્પાયર્સને ઘટના અંગે જાણકારી આપી હતી.

કોહલી-એન્ડરસનનો વિખવાદ તસવીરોમાં

કોહલી અને એન્ડરસન વચ્ચે શાબ્દિક યુદ્ધ

મોટેરા ખાતેની મેચ દરમિયાન કોહલી અને એન્ડરસન વચ્ચે શાબ્દિક યુદ્ધ થયું હતું.

અમ્પાયર્સ સાથે દલીલ

પ્રથમ ટેસ્ટના પાંચમાં દિવસે એન્ડરસન સાથે થયેલી બોલાચાલી અંગે અમ્પાયર્સ સાથે દલીલ કરી રહેલો ટીમ ઇન્ડિયાનો યુવા ખેલાડી વિરાટ કોહલી અને તેની સાથે ચેતેશ્વર પૂજારા