Vinesh Phogat : વિવાદ વચ્ચે વિનેશ ફોગાટની તબિયત લથડતા હોસ્પિટલ ખસેડાઈ, જાણો કેવી છે હાલત?

Vinesh Phogat : પેરિસ ઓલિમ્પિકમાં વજનને લઈને વિનેશ ફોગાટને મુકાબલામાંથી બહાર કરાઈ છે. હવે વિનેશ ફોગાટની હાલત લથડતા હોસ્પિટલ ખસેડાઈ છે.

2024 પેરિસ ઓલિમ્પિકમાં ગોલ્ડ મેડલની દાવેદાર રેસલર વિનેશ ફોગાટને વધુ વજનના કારણે ગેરલાયક ઠેરવવામાં આવી છે. ડિહાઈડ્રેશનને કારણે વિનેશ ફોગાટને કોઈ હોસ્પિટલમાં નહીં પરંતુ સ્પોર્ટ્સ વિલેજની અંદર આવેલા પૉલિક્લિનિકમાં દાખલ કરવામાં આવી છે.

સમાચારો અનુસાર, વિનેશ ફોગાટની હાલત ગંભીર બાબત નથી. તેને ટૂંક સમયમાં રજા પણ મળી શકે છે. જણાવી દઈએ કે, વિનેશ ફોગાટનું વજન 100 ગ્રામ વધી ગયું હતું, જેના કારણે તેને પેરિસ ઓલિમ્પિકમાંથી અયોગ્ય ઠેરવવામાં આવી હતી.

વિનેશ ફોગાટને બહાર કરાયા બાદ તેના પરિવારના સભ્યોએ સરકાર અને પૂર્વ ભારતીય કુસ્તી મહાસંઘના પ્રમુખ બ્રિજભૂષણ શરણ સિંહ પર ગંભીર આરોપો લગાવ્યા. તેમણે કહ્યું કે આમાં સરકાર અને બ્રિજભૂષણ શરણ સિંહનો હાથ છે.

જણાવી દઈએ કે, વિનેશ બપોરે 12.30 વાગ્યે (08 ઓગસ્ટ) ફાઈનલ મેચ રમવાની હતી. ફાઈનલ મેચમાં વિનેશનો સામનો અમેરિકાની સારાહ એન હિલ્ડેબ્રાન્ડ સાથે થવાનો હતો.

નિયમો અનુસાર, અયોગ્ય જાહેર થયા બાદ હવે રેસલર વિનેશ ફોગાટ પેરિસ ઓલિમ્પિક 2024માં કોઈ મેડલ જીતી શકશે નહીં. મતલબ કે ફાઇનલમાં પહોંચવા છતાં વિનેશે મેડલ વિના ઘરે પરત ફરવું પડશે. સ્પષ્ટ છે કે ફાઇનલમાં પહોંચવા છતાં વિનેશ ફોગાટને સિલ્વર અને બ્રોન્ઝ પણ ગુમાવવો પડશે.

English summary

Vinesh Phogat: Vinesh Phogat was shifted to the hospital as his health deteriorated, know how the condition is?