વિશ્વકપ 2015નો કાર્યક્રમ જાહેરઃ ભારત-પાક એક ગ્રુપમાં
દુબઇ, 30 જુલાઇઃ ઓસ્ટ્રેલિયા અને ન્યુઝીલેન્ડમાં 2015માં થનારા ક્રિકેટ વિશ્વકપના કાર્યક્રમની મંગળવારે ઘોષણા કરવામાં આવી. વિશ્વકપમાં ભારત અને પાકિસ્તાનને એક જ ગ્રૃપમાં રાખવામાં આવ્યા છે. વિશ્વકપમાં 14 ટીમો ભાગ લેશે. ભારતનો પહેલો મુકાબલો 15 ફેબ્રુઆરીએ પાકિસ્તાન સામે હશે.
વિશ્વકપની ફાઇનલ 29 માર્ચે મેલબોર્નમાં રમાશે. ભારતને ગ્રૃપ બીમાં રાખવામાં આવ્યું છે. ભારત સાથે ગ્રુપ બીમાં પાકિસ્તાન, દક્ષિણ આફ્રિકા, વેસ્ટઇન્ડિઝ અને ઝિમ્બાવ્વેને રાખવામાં આવ્યું છે. ગ્રુપ એમાં ઓસ્ટ્રેલિયા, ઇંગ્લેન્ડ, શ્રીલંકાને રાખવામાં આવ્યું છે.
વિશ્વકપ પહેલા 14 ફેબ્રુઆરી 2015ના રોજ ન્યુઝીલેન્ડ વિ. શ્રીલંકા અને ઇંગ્લેન્ડ વિ. ઓસ્ટ્રેલિયા વચ્ચે મેચ રમાશે. આ વિશ્વકપમાં 7-7 ટીમોને બે ગ્રૃપમાં બનાવવામાં આવ્યા છે.
ભારતની મેચ પર નજર ફેરવવામાં આવે તો 15 ફેબ્રુઆરીએ પાકિસ્તાન સામે એડિલેડમાં, 22મીએ દક્ષિણ આફ્રિકા સામે મેલબોર્નમાં, 28મીએ ક્વોલિફાયર સામે પર્થમાં, 6 માર્ચે વેસ્ટ ઇન્ડિઝ સામે પર્થમાં, 10 માર્ચે આયરલેન્ડ સામે હેમિલ્ટન અને 14 માર્ચે ઝિમ્બાવ્વે સામે ઓકલેન્ડમાં મેચ રમાશે. તો ચાલો તસવીરોમાં જોઇએ અત્યાર સુધીને વિશ્વકપ વિજેતા દેશો.
વિશ્વકપ 2011
વિજેતા દેશઃ- ભારત
વિશ્વકપ 2007
વિજેતા દેશઃ- ઓસ્ટ્રેલિયા
વિશ્વકપ 2003
વિજેતાઃ- ઓસ્ટ્રેલિયા
વિશ્વકપ 1999
વિજેતાઃ- ઓસ્ટ્રેલિયા
વિશ્વકપ 1996
વિજેતાઃ- શ્રીલંકા
વિશ્વકપ 1992
વિજેતાઃ- પાકિસ્તાન
વિશ્વકપ 1987
વિજેતાઃ- ઓસ્ટ્રેલિયા
વિશ્વકપ 1983
વિજેતાઃ- ભારત
વિશ્વકપ 1979
વિજેતાઃ- વેસ્ટ ઇન્ડિઝ
વિશ્વકપ 1975
વિજેતાઃ- વેસ્ટ ઇન્ડિઝ