WPL 2023 : RCB અને ગુજરાત જાયન્ટ્સ ટુનાર્મેન્ટમાંથી બહાર, યુપી વોરિયર્સ પ્લેઓફમાં
વિમેન્સ પ્રીમિયર લીગના પ્રથમ તબક્કામાં મુંબઈ ઈન્ડિયન્સ, યુપી વોરિયર્સ અને દિલ્હી કેપિટલ્સે પ્લેઓફમાં સ્થાન મેળવ્યું છે.
વિમેન્સ પ્રીમિયર લીગ હવે રોમાંચક સ્થિતીમાં પહોંચી ગઈ છે. આજે એક રોમાંચક મુકાબલામાં યુપી વોરિયર્સે ગુજરાત જાયન્ટ્સને હરાવીને પ્લેઓફમાં જગ્યા બનાવી લીધી છે. 179 રનનો પીછો કરતા યુપી વોરિયર્સે જીત મેળવીને પ્લેઓફમાં જગ્યા બનાવી લીધી છે. યુપી વોરિયર્સ માટે પ્રથમ સિઝન શાનદાર રહી છે. બીજી તરફ ગુજરાત જાયન્ટ્સ હાર સાથે ટુનાર્મેન્ટમાંથી બહાર થઈ ગઈ છે. ગુજરાત ઉપરાંત આરસીબી પણ પ્લેઓફમાંથી બહાર થઈ છે.
વિમેન્સ પ્રીમિયર લીગના પ્રથમ તબક્કામાં મુંબઈ ઈન્ડિયન્સ, યુપી વોરિયર્સ અને દિલ્હી કેપિટલ્સે પ્લેઓફમાં સ્થાન મેળવ્યું છે. આજે ગુજરાત જાયન્ટ્સ માટે એશ્લે ગાર્ડનર અને હેમલતાએ શાનદાર બેટિંગનું પ્રદર્શન કર્યું પરંતુ બંનેની ઇનિંગ્સ એળે ગઈ. ગાર્ડનરે 39 બોલમાં 60 રન બનાવ્યા અને હેમલતાએ 33 બોલમાં 57 રન બનાવી શાનદાર બેટિંગ કરી.
યુપી વોરિયર્સને જીત માટે છેલ્લી ઓવરમાં 7 રનની જરૂર હતી. સોફી એક્લેસ્ટને આખરી રન સાથે ટીમને જીત અપાવી હતી. આ પહેલા એક્લેસ્ટન આ મેચમાં સિઝનમાં સૌથી વધુ વિકેટ લેનાર બોલર બની હતી. 179 રનના લક્ષ્યનો પીછો કરતા યુપીની શરૂઆત ખરાબ રહી હતી. એલિસા હિલી પહેલા આઉટ થઈ હતી. કિરણ નવગીરે પણ તેની પાછળ આઉટ થઈ. દેવિકા વૈદ્ય પણ ટકી નહીં અને 7 રન બનાવીને આઉટ થઈ. અહીંથી તાહલિયા મેકગ્રા અને ગ્રેસ હેરિસે ધમાકેદાર બેટિંગ કરી ટીમ માટે જીતનો રસ્તો બનાવ્યો.
ગ્રેસ હેરિસે સિઝનની બીજી ફિફ્ટી ફટકારી હતી. તેણે ગુજરાત જાયન્ટ્સ સામે બંને અડધી સદી ફટકારી છે. તેણે 72 રન બનાવીને યુપીને જીતની નજીક લાવવામાં મહત્વની ભૂમિકા ભજવી. ગુજરાત જાયન્ટસ તરફથી કિમ ગાર્થે સૌથી વધુ 2 વિકેટ લીધી. તનુજા કંવર, સ્નેહ રાણા, એશ્લે ગાર્ડનર, મોનિકા પટેલને 1-1 વિકેટ મળી હતી.
Click it and Unblock the Notifications
Sign in with Google
