આ દિવાળી વેકેશનમાં મુલાકાત લો અંદામાનના આ સ્થળોની

Written By:
Subscribe to Oneindia News

થોડા જ દિવસોમાં દિવાળી આવી રહી છે, એટલે કે તહેવાર અને રજાઓ બંનેના એંધાણ છે. આ રજાઓમાં કઈ જગ્યાએ ફરવા જવું તે અંગે જો હજુ તમે કશુ નક્કી ન કર્યું હોય, તો અમે તમને તેમાં મદદ કરી શકીએ છીએ. દિવાળીનો તહેવાર એ એવો સમય છે, જ્યારે થોડી થોડી ગુલાબી ઠંડી શરૂ થઈ ગઈ હોય છે. આ ઠંડી પણ તમારા મુસાફરીના રોમાંચમાં વધારો કરે એવી જગ્યાએ જવાનુ થાય તો? અમે વાત કરી રહ્યા છીએ અંદામાનની. ચારે તરફ દરિયો અને ટાપુઓની વચ્ચે આનંદ માણવાનો આ યોગ્ય સમય છે. તમે અંદામાન તમારા મિત્રો સાથે, તમારા પરિવાર સાથે અથવા તો તમારા જીવનસાથી સાથે પણ જઇ શકો છો. દરેક પ્રકારના આઉટિંગ માટે આ સ્થળ શ્રેષ્ઠ છે.

અંદામાનમાં 300થી પણ વધારે ટાપુઓ આવેલા છે. પરંતુ પર્યટન માટે માત્ર 36 ટાપુઓ જ ખુલ્લા રાખવામાં આવ્યા છે. ત્યાંના સ્થાનિક લોકોને પણ બીજા ટાપુઓ વિશે ખાસ જાણકારી નથી. પરંતુ આ બધા ટાપુઓ એટલા સુંદર છે કે, તેના પર ફરવાની અને તેની દુરથી તેની સુંદરતા નિહાળવાની પણ અલગ જ મજા છે. તો ચાલો આ સુંદર ટાપુઓ અને તેની ખાસ ફરવા લાયક જગ્યાઓ અંગે વધુ માહિતી મેળવીએ...

મેંગ્રૂવ કાયકિંગ

મેંગ્રૂવ કાયકિંગ

અંદામાનના માયાબુંડેર આઇલેન્ડ પર મેંગ્રૂવ કાયકિંગનો આનંદ તમે લઈ શકો છો. ભારતના કુલ વનની સંખ્યામાં મેંગ્રૂવના જંગલોની સંખ્યા 1/5 છે, જે ખાસ અંદામાનમાં જોવા મળે છે. પર્યટકોને આ જંગલોમાં ફરવું ખુબ જ ગમે છે. દરિયામાં ઉગતી અને પાણીની બહાર આવતી વનસ્પતિમાં મેંગ્રૂવ સૌથી આગળ છે અને અંદામાનના દરિયા કિનારે તે ખૂબ મોટા પ્રમાણમાં જોવા મળે છે.PC:Bob Peterson

સી વોકિંગ

સી વોકિંગ

અંદામાનમાં થોડા સમય પહેલા જ સી વોકિંગની શરૂઆત કરવામાં આવી છે. ટાપુઓ પર ફરતા ફરતા તમે પાણીની અંદરની દુનિયાને પણ જોઈ શકો છો. જેમાં તમે સબલાઇમ મરીન લાઇફ, અંડરવોટર વનસ્પતિ, કોરલ અને અનેક નવી નવી માછલીઓ અને દરિયાઇ જીવને ખુબ જ નજીકથી જોવાનો અનેરો આનંદ માણી શકો છો.PC: Holobionics

ટાપુ પર હોપ્પિંગ

ટાપુ પર હોપ્પિંગ

અંદામાનના મુખ્ય ટાપુ પોર્ટ બ્લયેરથી તમારી યાત્રાની શરૂઆત થાય છે. અહીં તમને ભારત સરકાર દ્વારા ટાપુઓ પર ફરવા માટેની વ્યવસ્થા કરી આપવામાં આવે છે. નીલલ અને હેવલોક જેવા ટાપુઓ અહીંના પ્રખ્યાત ટાપુઓ છે. જો તમને વોટર સ્પોર્ટમાં રસ હોય તો આ ટાપુઓ પર તમે તેનો ભરપૂર આનંદ માણી શકો છો.PC: Mvbellad

ગ્લાસ બોટમ બોટિંગ

ગ્લાસ બોટમ બોટિંગ

જો તમને સ્નોરકેલિંગ અને સ્કુબા ડાઇવિંગ કરવુ પસંદ નથી, તો કશો વધો નહી. આ ટાપુઓ પર આનંદ કરવા માટે બીજો એક વિકલ્પ પણ ઉપલ્બધ છે અને તે છે ગ્લાસ બોટમ બોટિંગ. આ ઉપરાંત બોટ રાઇડ એટલે કે બોટમાં બેસીને બંગાળની ખાડીની મરીન લાઇફને જોવાનો આનંદ પણ મેળવી શકો છો. આ માટે તમારે હેવલોક ટાપુ પર જવુ પડશે. આ ટાપુ પર આવેલો ડોલ્ફિન બીચ પણ ઘણો લોકપ્રિય છે.PC:Craig Stanfill

સીપ્લેન રાઇડ

સીપ્લેન રાઇડ

અંદામાનમાં તમે બધા ટાપુની સુંદરતાને એક સાથે જોઈ શકો છો. તે માટે સીપ્લેન રાઇડ ખુબ જ ઉપયોગી સાબિત થશે. આ રાઇડથી અંદામાન અને નિકોબારના જાણીતો ટાપુઓ જેવા કે પોર્ટ બ્લેયર, નીલ ટાપુ, હેવલોક ટાપુ અને લોન્સ ટાપુનો નજારો ઉપરથી જોઇ શકાય છે.PC: Florida Memory

ડોલ્ફિન જોવાનો આનંદ

ડોલ્ફિન જોવાનો આનંદ

તમે ડોલ્ફિનને જોવા માંગો છો? તો તમારી આ ઇચ્છા પુરી કરવા માટે અંદામાન એકદમ યોગ્ય સ્થળ છે. અહીં તમને અનેક સ્થળોએ ડોલ્ફિનને જોવા મળશે. જેમાં ખાસ કરીને લોન્ગ ટાપુનું લાલાજી બે બીચ પ્રખ્યાત છે, આ ઉપરાંત જોલી બોય ટાપુ તથા હેવલોક ટાપુના મહાત્મા ગાંધી મરીન નેશનલ પાર્કમાં પણ તમે ડોલ્ફિન જોઇ શકો છો અને તેની સાથે વાતો પણ કરી શકો છો.PC: brian

English summary
Diwali Vacation: Planning a trip to Andaman? Best things to do in Andaman. Raed more here..
Please Wait while comments are loading...

For Breaking News from Gujarati Oneindia
Get instant news updates throughout the day.