હજારીબાગ કહેવાય છે ઝારખંડનું ‘બગીચા’ઓનું શહેર

Published: Monday, January 6, 2014, 16:09 [IST]

હજારીબાગ શહેર રાંચીથી 93 કિમી દૂર સ્થિત છે અને તે ઝારખંડના નાના નાગપુર પઠારનો એક ભાગ છે. જંગલોથી ઘેરાયેલી કોનાર નદી આ શહેરમાંથી પસાર થાય છે. ચંદવારા અને જિલિંજા હજારીબાગ જિલ્લાની બે મહત્વપૂર્ણ પર્વત શ્રેણી છે. હજારીબાગનો સૌથી ઉંચો પર્વત પારસનાથ ચોટી છે. એવું કહેવામાં આવે છે કે, 23મી અને 24માં જૈન તીર્થકરોને અહીં મોક્ષ પ્રાપ્ત થયો હતો.

આ એક પ્રસિદ્ધ સ્વાસ્થ્ય રિસોર્ટ છે તથા અહીં વિભિન્ન પ્રકારના જીવ જંતુ અને વનસ્પતિઓ મળી આવે છે. આ ક્ષેત્રમાં અનેક સુંદર મંદિર છે. બ્રિટિશ શાસન કાળમાં આ સ્થળ એક છાવણી હતુ તથા ભારતના સ્વતંત્ર સંગ્રામમાં તેની એક મહત્વપૂર્ણ ભૂમિકા છે. હજારીબાગ ખનીજો અને અયસ્કોંથી સમૃદ્ધ છે.

સોહરાઇ પેન્ટિંગ્સ આખા વિશ્વમાં પ્રસિદ્ધ છે. પેન્ટિંગ્સલ પારંપરિક છે અને તે સોહરાય તહેવારથી સંબંધિત છે જે કુર્મી અને પ્રજાપતિ જાતિના લોકો દ્વારા મનાવવામાં આવે છે. આ તહેવારમાં મવેશિઓને સ્નાન કરાવવામાં આવે છે તથા તેમની પૂજા કરવામાં આવે છે. સોહરાઇ પેન્ટિંગ્સ જુરિચના રિએતબુર્ગ સંગ્રહાલયમાં પ્રદર્શન માટે રાખવામાં આવી છે.

હજારીબાગ તથા તેની આસપાસના પ્રવાસન સ્થળોમાં હજારીબાગ વન્ય જીવન અભ્યારણ્ય સૌથી મહત્વપૂર્ણ છે, જે એક પારિસ્થિતિક પ્રવાસન સ્થળ છે. આ ઉપરાંત કૈનરી હિલ્સ, ગરમ પાણીના ઝરણા, સૂરજકુંડ, ઇસકો ગામ, રાજરપ્પા પ્રપાત, છિન્નમસ્તા મંદિર, સતાફાર, તિલૈયા બાંધ, નરસિંહસ્થાન મંદિર, રાજ દેરવાહ, હજારીબાગ ઝીલ, સિલ્વર હિલ, કોનાર બાંધ વિગેરે પણ છે. તસવીરો થકી જાણીએ હજારીબાગને.