ગજબઃ કલાકમાં 3000 કિ.મી સ્પીડે ટ્રેન દોડાવશે ચીન!

Updated: Thursday, May 8, 2014, 14:21 [IST]

લંડન, 8 મેઃ એક એવી ટ્રેન જેની સ્પીડ 3 હજાર કિ.મી પ્રતિ કલાકની ઝડપે જતી હોય અને એ ટ્રેનમાં તમે મુસાફરી કરતા હોવ તો? આ વાત તમને કદાચ સાંભળવામાં અજુગતી લાગી રહી હશે, પરંતુ ચીનની સંશોધક ટીમ આપણા ભવિષ્યમાં આ પ્રકારની ટ્રેન રજૂ કરવા અંગે શોધ ચલાવી રહ્યાં છે. ચેંગડુ શહેરમાં સાઉથ વેસ્ટ જિઓતોંગ યુનિવર્સિટીના એસોસિએટેડ પ્રોફેસર ડો. ડેંગ ઝિઆંગે મેગાથર્મલ સપુરકંન્ડક્ટિંગ મેગ્નેટિક લેવિટેશન(મૅગલેવ) લૂપનું પહેલીવાર અનાવરણ કર્યું છે.

મૅગલેવ ટ્રેન એશિયામાં ઘણી હીટ રહી છે, તે કલાકમાં સેંકડો કિ.મીની સ્પીડ પકડી શકે છે, પરંતુ હાલના તકે તેની સ્પીડને 400 કિ.મી પ્રતિ કલાક સુધી રાખવામાં આવી છે, કારણ કે તેની વધુ સ્પીડથી હવા પ્રતિરોધ વધી શકે છે. જો આ ટ્રેન 400 કિ.મી પ્રતિ કલાકની સ્પીડે જતી હોય તો તે 83 ટકા કરતા વધારે ટ્રાક્શન(ગ્રીપ) એનર્જીને હવા પ્રતિરોધમાં વ્યર્થ વાપરી નાખે છે, તેમ ઝિજાંગે જણાવ્યું છે.

વેક્યુમ ટ્યૂબ ટ્રેન લાઇન થકી સે લેવલમાં સામાન્ય વાતાવરણના દબાણ કરતા હવાના દબાણને 10 ગણુ ઘટાડવામાં આવે તો આ ટ્રેન ભવિષ્યમાં અત્યારની સરખામણીએ સાત ગણી વધારે ઝડપી ચાલી શકે છે. હાલની વાત કરવામાં આવે તો અત્યારે વિશ્વની સૌથી ફાસ્ટેટ પેસેન્જર ટ્રેન શાંધાઇ મૅગલેવ ટ્રેન છે. જેની સર્વાધિક સ્પીડ 431 કિ.મી પ્રતિ કલાક છે.