Travel Tips : કલા અને સંસ્કૃતિ પ્રેમી માટે IRCTC લાવ્યું રાજસ્થાન ટુર પેકેજ, જાણો કિંમત અને વિગતો

Travel Tips : જો તમે કળા અને સંસ્કૃતિના પ્રેમી છો અને રાજસ્થાનની મુલાકાત લેવા ઈચ્છો છો, તો IRCTC તમારા માટે ઘણા સારા ટૂર પેકેજ લઈને આવ્યું છે. આ પેકેજો દ્વારા તમે ઓછા બજેટમાં રાજસ્થાનના ઘણા શહેરોની મુલાકાત લઈ શકો છો.

Travel Tips : આપણા ભારતમાં વિવિધતામાં એકતા જોવા મળે છે. જે કારણે એક જ દેશમાં વૈવિધ્યસભર કલા અને સંસ્કૃતિ જોવા મળી રહી છે. જે કારણે લોકો દેશ-વિદેશથી લોકો ભારત આવે છે. દરેક વર્ષે દુનિયામાંથી લાખો લોકો ભારતમાં પ્રવાસ કરી દેશની અર્થવ્યવસ્થામાં પોતાના ફાળો આપે છે.

આવામાં ભારતીય રેલવે લોકોને ફરવા અને પ્રવાસનને પ્રોત્સાહન આપે છે. IRCTC દ્વારા દેશના વિવિધ ભાગોમાં ફરવા માટે ટૂર પેકેજ જાહેર કરતું રહે છે. આ પેકેજ બજેટમાં પણ હોય છે.

આ ઉપક્રમે હવે IRCTC તમને કલા અને સંસ્કૃતિથી ભરપૂર રાજ્ય રાજસ્થાનની મુલાકાત લેવાની તક આપી રહ્યું છે. તાજેતરમાં રાજસ્થાનના વિવિધ શહેરોની મુલાકાત લેવા માટે ભારતીય રેલવે દ્વારા ઘણાં વિવિધ ટૂર પેકેજો શરૂ કરવામાં આવ્યા છે. જો તમે પણ રાજસ્થાનની સંસ્કૃતિનો આનંદ માણવા માંગો છો, તો આ ટૂર પેકેજ તમારા માટે કામમાં આવશે.

જયપુર, મંડવા, બિકાનેર, જેસલમેર, જોધપુર, જયપુર (NJH092)

IRCTCના આ ટૂર પેકેજ દ્વારા તમે રાજસ્થાન, જયપુર, મંડાવા, બિકાનેર, જેસલમેર, જોધપુરના શહેરોની મુલાકાત લઈ શકશો. 21મીફેબ્રુઆરીથી 31મી માર્ચ સુધીની આ મુસાફરી માટે દૈનિક ટ્રેન ઉપલબ્ધ છે.

તમે તમારી અનુકૂળતા મુજબ મુસાફરીની તારીખ પસંદ કરી શકોછો. જોકે, આ પ્રવાસ માટે માત્ર 20 બેઠકો ઉપલબ્ધ છે. જયપુરથી શરૂ કરીને આ છ રાત અને સાત દિવસની ટૂરનો ખર્ચ અલગ-અલગ વર્ગો અનુસાર બે લોકો માટે 19,050 થી 27,355 રૂપિયામાં થશે.

જયપુર, જોધપુર, જેસલમેર, બીકાનેર (NJH075)

આ ટૂર પેકેજ હેઠળ તમે જયપુર, જોધપુર, જેસલમેર, બિકાનેર જેવા શહેરોની મુલાકાત લઈ શકશો. આ યાત્રા પાંચ રાત અને છ દિવસનીહશે, જેના માટે તમને જયપુરથી વાહન મળશે. આ પ્રવાસ 21મી ફેબ્રુઆરીથી શરૂ થશે, જે 31મી માર્ચ સુધી ચાલશે. તે પણ પ્રવાસ માટે માત્ર20 બેઠકો બાકી છે.

તમે તમારી અનુકૂળતા મુજબ આ સમયગાળા દરમિયાન મુસાફરીની તારીખ પસંદ કરી શકો છો. આ માટે તમારે બેલોકો માટે 14,595 રૂપિયાથી લઈને 22,165 રૂપિયા સુધીનું ભાડું ચૂકવવું પડશે.

જોધપુર, જેસલમેર (NJH091)

IRCTCના આ ટૂર પેકેજ હેઠળ તમે રાજસ્થાનના જોધપુર અને જેસલમેર શહેરની મુલાકાત લઈ શકશો. આ પ્રવાસ પણ 21 ફેબ્રુઆરીથીશરૂ થશે અને 31 માર્ચ સુધી ચાલશે. આ માટે તમને રોજ એક વાહન મળશે.

આ પ્રવાસ હેઠળ તમારે જોધપુર પહોંચવાનું રહેશે, જ્યાંથીતમારી યાત્રા શરૂ થશે. આ પ્રવાસ ત્રણ રાત અને ચાર દિવસનો રહેશે. આ ટૂર પેકેજ માત્ર રૂપિયા 9625 થી શરૂ થશે.

જયપુર, બિકાનેર, જેસલમેર, જોધપુર, માઉન્ટ આબુ, ઉદયપુર, પુષ્કર (NJH079)

જો તમે ઓછા બજેટમાં રાજસ્થાનના ઘણા પ્રવાસન સ્થળોની મુલાકાત લેવા માંગતા હોવ, તો IRCTCનું આ ટૂર પેકેજ તમારા માટે યોગ્યરહેશે.

તમે 21 ફેબ્રુઆરીથી આ પ્રવાસનો આનંદ માણી શકો છો. 10 રાત અને 11 દિવસના આ ટૂર પેકેજ હેઠળ, તમે જયપુર, બિકાનેર,જેસલમેર, જોધપુર, માઉન્ટ આબુ, ઉદયપુર, પુષ્કરની મુલાકાત લઈ શકશો. આ દૈનિક યાત્રા 31 માર્ચ સુધી ચાલશે. આ માટેનું ભાડું રૂપિયા31155 થી શરૂ થાય છે.

જયપુર રણથંભોર (NJH089)

જો તમે રાજસ્થાનના જયપુર અને રણથંભોરની મુલાકાત લેવા માંગો છો, તો આ ટૂર પેકેજ તમારા માટે યોગ્ય રહેશે. 21 ફેબ્રુઆરીથી શરૂથયેલો આ પ્રવાસ પણ 31 માર્ચ સુધી ચાલશે.

બે રાત અને ત્રણ દિવસના આ પ્રવાસ દ્વારા, તમે જયપુર અને રણથંભોરનું અન્વેષણ કરીશકશો. બીજી તરફ જો ભાડાની વાત કરીએ તો આ ટૂર પેકેજ માટે તમારે 6,495 રૂપિયાથી 6,995 રૂપિયા ચૂકવવા પડશે.

English summary

Travel Tips : IRCTC brings Rajasthan tour package for art and culture lovers, know price and details