Travel Tips: ઓછા બજેટમાં આવશે વધુ મજા, આ સ્થળે માણો ક્રિસમસની રજા

Travel Tips: ક્રિસમસ પર આ વખતે ત્રણ દિવસની રજાઓ આવી રહી છે. આ લોંગ વીકેન્ડ શનિવાર, રવિવાર અને સોમવાર એટલે કે ત્રણ દિવસની રજા આવી રહી છે. આવામાં ફરવાની એક ઉત્તમ તક મળશે. ઘણા લોકો ફરવાનું વિચારે છે, પણ નાતાલના કારણે દરેક સ્થળે ભીડ હોવાના ભયથી પ્લાન ડ્રોપ કરી દે છે.

આવી સ્થિતિમાં અચાનક ક્યાં જવું? તેથી તમારે જાણીતા સ્થળોની આસપાસના પર્વતીય વિસ્તારોની મુલાકાત લેવાનું ટાળવાનો પ્રયાસ કરવો જોઈએ. આ સ્થોળો પર મહત્તમ ભીડ હોઈ શકે છે. તેથી થોડા દૂર જાઓ, પરંતુ એવી જગ્યાએ જાઓ જે ગુજરાતથી બહુ દૂર ન હોય.

માઉન્ટ આબુમાં ચાલી રહ્યો છે વિન્ટર ફેસ્ટિવલ - આ વખતે ક્રિસમસ પર તમારે માઉન્ટ આબુ જવું જોઈએ. માઉન્ટ આબુમાં વિન્ટર ફેસ્ટિવલ એ એક સાંસ્કૃતિક તહેવાર છે, જે તમને રંગબેરંગી ફટાકડા, સાંસ્કૃતિક નૃત્ય પ્રદર્શન, કોન્સર્ટ, સ્પર્ધાઓથી મંત્રમુગ્ધ કરે છે. આ વાર્ષિક ઉત્સવ નક્કી તળાવ પાસે થાય છે. ઘૂમર અને સૂફી કથક, કવિતા વાંચન અને પતંગ ઉડાવવા સાથે અનેક લોકનૃત્યનું આયોજન થાય છે. તમે આ બધું માણી શકો છો.

માઉન્ટ આબુના જોવાલાયક સ્થળો - માઉન્ટ આબુમાં તમે દેલવાડાના જૈન દેરાસર, નક્કી તળાવ અને પીસ પાર્કની મુલાકાત લઈ શકો છો. આ સિવાય તમે આબુ શહેરમાં અન્ય ઘણી જગ્યાઓ પર પણ જઈ શકો છો. અહીં તમે શોપિંગ કરી શકો છો અને ખાણી-પીણીની ઘણી વસ્તુઓ કરી શકો છો.

માઉન્ટ આબુ કેવી રીતે પહોંચશો? - આરામથી પહોંચવા માટે અબુ રોડ રેલવે સ્ટેશન માટે ટ્રેનની ટિકિટ લો. નવી દિલ્હીથી માઉન્ટ આબુ પહોંચવાનો સૌથી સસ્તો રસ્તો ટ્રેન દ્વારા ઉદયપુર અને પછી માઉન્ટ આબુ છે. તેથી તમારે આ ક્રિસમસમાં આબુ જવાનું આયોજન કરવું જોઈએ.

અત્રે ઉલ્લેખનીય બાબત છે કે, જો તમે વધુ ફરવા સક્ષમ ન હોવ, તો પણ તમે તાજગી અનુભવશો. આ નાની સફર પણ તમારા માટે યાદગાર અને સુંદર બની રહેશે.

English summary

Travel Tips: Less budget will bring more fun, enjoy Christmas holiday at Mount Abu