પોર્શેએ રજુ કરી પૈનામેરા ટર્બો એસ, સ્પીડ 310 Kmph

વિશ્વ ભરમાં એકથી એક ચઢિયાતી શાનદાર કાર્સને રજુ કરનારી જર્મનીની પ્રમુખ કાર નિર્માતા કંપની પોર્શેએ ભારતીય બજારમાં તાજેતરમાં પોતાની લોકપ્રિય કાર પૈનામેરાએ રજુ કરી હતી. એ સમયે કંપનીએ પૈનામેરા ટર્બો, પૈનામેરા જીટીએસ, પૈનામેરા વી6, પૈનામેરા 4 અને પૈનામેરા ડીઝલને રજુ કરી હતી.

આ વખતે કંપનીએ પૈનામેરામાં છેલ્લા પાવરફુલ વેરિએન્ટ પૈનામેરા ટર્બો એસને લોન્ચ કર્યું છે. ઘણા જ આકર્ષક લુક અને દમદાર એન્જીનથી સજેલી નવી કાર પૈનામેરા ટર્બો એસને કંપનીએ હાલ પ્રદર્શિત કરી દીધી છે, પરંતુ હાલ આ કારને વેચાણ અર્થે લોન્ચ કરવામાં આવી નથી. તો ચાલો તસવીરો થકી જાણીએ આ કારની અન્ય ખાસિયતો અંગે.

એન્જીનની ક્ષમતા

તમને જણાવી દઇએ કે, પૈનામેરા ટર્બો એસમાં કંપનીએ 4.8 લીટરની ક્ષમતાના દમદાર વી8 ટ્વીન ટર્બો ચાર્જ્ડ પેટ્રોલ એન્જીનનો પ્રયોગ કર્યો છે. જે કારને 570 બીએચપીની શાનદાર શક્તિ પ્રદાન કરે છે.

ઓટોમેટિક ટ્રાન્સમિશન

આ ઉપરાંત આ કારમાં કંપનીએ 7 સ્પીડ પીડીએક ડ્યુએલ ક્લચ ઓટોમેટિક ટ્રાન્સમિશનનો પ્રયોગ કર્યો છે. એક રેગ્યુલર પૈનામેરાની સરખામણીએ નવી કાર લગભગ 50 બીએચપી સુધી વધુ શક્તિ ઉત્પન્ન કરે છે.

સ્પીડ પણ આકર્ષક

દમદાર એન્જીન સાથે જ આ કારની સ્પીડ પણ ઘણી જ આકર્ષક છે. આ કાર માત્ર 3.8 સેકન્ડમાં જ 100 કિમી પ્રતિ કલાકની ઝડપ પકડવામાં સક્ષમ છે. આ ઉપરાંત આ કારની વધુ ગતિ 310 કિમી પ્રતિ કલાક છે.

કારની કિંમત

જોકે કંપનીએ આ કારની કિંમત અંગે કોઇ ખુલાસો કર્યો નથી. કંપની આગામી ફેબ્રુઆરી મહિના સુધીમાં આ કારની કિંમત અંગે ઘોષણા કરશે, પરંતુ જાણકારોનું માનવું છે કે, આ કારની કિંમત લગભગ 2 કરોડ રૂપિયાની આસપાસ હશે.

English summary

Porsche has launched new Panamera Turbo S variant in Indian. New Panamera Turbo S is more powerful than previous variants.