હોન્ડાની એમેજિંગ અમેજે મચાવી દીધી ધમાલ
જાપાનીઝ કાર નિર્માતા કંપની હોન્ડાની અમેજિંગ અમેજ સિડાન કારે ભારતીય બજારમાં તહેલકો મચાવી દીધો છે. તમને જણાવી દઇએ કે તાજેતરમાં જ કંપનીએ દેશના રસ્તા પર પોતાની પહેલી ડીઝલ સિડાન કાર અમેજને રજૂ કરી હતી. પોતાના આકર્ષક લૂક, બજેટની કિંમતના કારણે માત્ર બે મહિનામાં આ કારે લોકોને પોતાના દિવાના બનાવી દીધા છે. હોન્ડાએ માત્ર બે મહિનાની અંદર કુલ 16 હજાર અમેજ કાર્સનું વેચાણ કર્યું છે.
જેમાં લગભગ 13 હાજર ડીઝલ અમેજનું વેચાણ થયું છે. ભારતીય બજારમાં હોન્ડાની ડીઝલ કારની લાંબા સમયથી રાહ જોવાઇ રહી હતી. એટલું જ નહીં કંપનીએ પોતાની આ કાર માટે લગભગ 22 હજાર કાર્સનું બુકિંગ પણ કર્યુ છે. કંપની પોતાની આ કારની સફળતાંથી ઘણી ઉત્સાહિત છે. તો તસવીરોના માધ્યમથી જાણીએ કાર અંગે.
ડીઝલ મોડલની કિંમત
ભારતીય બજારમાં અમેજ ડીઝલ મોડલની કિંમત 5.99 લાખ રૂપિયા છે અને પેટ્રોલ વેરિએન્ટની પ્રારંભિક કિંમત 4.99 લાખ રૂપિયા છે.
ઓછી કિંમતમાં સારી કાર
ઓછી કિંમતમા સારી કાર મળી રહી હોવાના કારણે ભારતીય બજારમાં આ કારને ઘણી જ પસંદ કરવામાં આવી રહી છે.
કારનું એન્જીન
કંપનીએ પેટ્રોલ વેરિએન્ટમાં 1.2 લીટરની ક્ષમતાના એન્જીનનો પ્રયોગ કર્યો છે અને ડીઝલ વેરિએન્ટમાં 1.5 લીટરની ક્ષમતાના એન્જીનનો ઉપયોગ કર્યો છે.
કારના માઇલેજ પર એક નજર
કંપની દ્વારા પ્રાપ્ત જાણકારી અનુસાર હોન્ડા અમેજનું ડીઝલ વેરિએન્ટ 23 કિમી પ્રતિ લીટરનું માઇલેજ આપે છે. આ ઉપરાંત 1.5 લીટરની એન્જીન ક્ષમતા કારને 85થી 90 બીએચપીની દમદાર શક્તિ પ્રદાન કરે છે.
ભારતીય બજારમાં હોન્ડાની આ કાર્સ સફળ
હોન્ડા છેલ્લા કેટલાક વર્ષોમાં ભારતીય બજારમાં સતત કારોનું વેચાણ કરી રહી છે, પરંતુ હોન્ડાની સિટી સિડાન અને બ્રાયો હૈચબેક જ સૌથી સફળ કાર રહી છે.
Click it and Unblock the Notifications
Sign in with Google
