મર્સીડિઝની સી ક્લાસ લોન્ચઃ જાણો શું છે ખાસ આ કારમાં

Published: Wednesday, November 26, 2014, 13:48 [IST]

જાણીતી જર્મન વૈભવી કાર નિર્માતા કંપની મર્સીડિઝ બેન્ઝ દ્વારા ભારતીય ઓટોમોબાઇલ સેક્ટરમાં પોતાની સી ક્લાસ કારને લોન્ચ કરવામાં આવી છે. નોંધનીય છેકે સી ક્લાસ ભારતીય ઓટો બજારમાં મર્સીડિઝ બેન્ઝની ઘણા લાંબા સમયથી સારું એવું વેચાણ ધરાવતી કાર છે. તો ચાલો આ કાર અંગેની ખાસ બાબતો પર નજર ફેરવીએ, જે અહીં નીચે જણાવવામાં આવી છે.

મર્સીડિઝ બેન્ઝ સી ક્લાસની કિંમત
મર્સીડિઝ બેન્ઝ સી ક્લાસની કિંમત અંગે વાત કરવામાં આવે તો તેની એક્સ શોરૂમ દિલ્હી કિંમત 40.90 લાખ રૂપિયા છે.

મર્સીડિઝ બેન્ઝ સી ક્લાસ સ્પેસિફિકેશન
હાલના સમયે મર્સીડિઝ બેન્ઝ સી ક્લાસને ભારતીય બજારમાં પેટ્રોલ વેરિએન્ટ્સ સાથે લોન્ચ કરવામાં આવી છે, જ્યારે તેના ડીઝલ વેરિએન્ટ્સને વર્ષ 2015માં લોન્ચ કરવામાં આવશે. પેટ્રોલ એન્જીન અંગે વાત કરવામાં આવે તો તેમાં 1.9 લિટર, 4 સિલિન્ડર એન્જીનનો ઉપયોગ કરવામાં આવ્યો છે, જે 5500 આરપીએમ પર 181 બીએચપી અને 1200થી 1400 આરપીએમ પર 300 એનએમ ટાર્ક પ્રોડ્યુસ કરે છે. આ કારમાં 7 સ્પીડ, જી ટ્રોનિક ગીયર બોક્સ આપવામાં આવ્યું છે, જે કારને 7.3 સેકન્ડમાં 0થી 100 કિ.મી પ્રતિ કલાકની ઝડપ પકડવામાં મદદરૂપ થઇ શકે છે.

મર્સીડિઝ બેન્ઝ સી ક્લાસ ટેક્નોલોજી
હાલના સમયે ભારતીય બજારમાં મર્સીડિઝ બેન્ઝ સી ક્લાસ એક મોસ્ટ ટેક્નોલોજીકલી એડ્વાન્સ્ડ કાર છે. કારમાં એડવાન્સ્ડ ટેલીમેટિક્સ અને આઇટી સિસ્ટમ આપવામાં આવી છે. આ કારને એવી રીતે ડિઝાઇન કરવામાં આવી છેકે જેથી તે માત્ર ડ્રાઇવરને જ સારા ડ્રાઇવિંગ અનુભવનો આનંદ નથી આપતી પરંતુ કાર કોમ્યુનિકેટમાં પણ મદદરૂપ થાય છે.

મર્સીડિઝ બેન્ઝ સી ક્લાસ ફીટર્સ