જાણો શું છે ફોરેસ્ટ બાથિંગ અને ગ્રીન પ્રિસ્ક્રિપ્શન? જાણો કેમ દુનિયાભરમાં તેની ચર્ચા થઈ રહી છે?

સામાન્ય રીતે ડોક્ટરો બિમાર વ્યક્તિને દવા સાથે ખોરાકને લઈને સહાલ સુચન આપે છે અને તેને સાજા કરે છે. જો કે હવે દુનિયામાં દવા સિવાય અન્ય એક વસ્તુ બહુ જડપથી ફેલાઈ રહી છે.

દવાઓથી હટીને હવે ડોક્ટરો ફોરેસ્ટ બાથિંગ અને ગ્રીન પ્રિસ્ક્રિપ્શનનો ઉપયોગ કરી રહ્યા છે. હવે તમને સવાલ થતો હશે કે આખરે આ છે શું? આજે અમે તમને તેના વિશે વિગતે જણાવવા જઈ રહ્યા છીએ.

આ નામ સાંભળતા સામાન્ય રીતે તમને આઈડિયા આવતો હશે કે આ એક રિલેક્સેશનની રીત છે. આ બોડી રિલેક્સેશન અથવા રિલેક્સેશનની જાપાનીઝ પદ્ધતિ છે અને તેને જાપાનમાં શિનરીન યોકુના નામે ઓળખવામાં આવે છે.

ફોરેસ્ટ બાથિંગ શું છે?
આ પ્રકારની થેરાપીમાં વ્યક્તિએ ઝાડ વચ્ચે શાંત જગ્યાએ ઊંડા શ્વાસ લેતી વખતે આસપાસની પ્રકૃતિને જોવાની હોય છે. આ પદ્ધતિ પુખ્ત વયના અને બાળકોને કોઈપણ દવાઓ વિના કુદરતી રીતે તણાવ દૂર કરવામાં મદદ કરે છે. ફોરેસ્ટ બાથિંગ જાપાનીઝ પ્રથા શારીરિક અને માનસિક સ્વાસ્થ્ય બંને માટે ખૂબ જ ફાયદાકારક છે.

ગ્રીન પ્રિસ્ક્રિપ્શન શું છે?
ગ્રીન પ્રિસ્ક્રિપ્શન એ ડૉક્ટર દ્વારા આપવામાં આવતી એક પ્રકારની સલાહ છે. આનાથી દર્દીને સ્વસ્થ કરવામાં મદદ મળે છે. આમાં ડોક્ટર દ્વારા જે પણ સલાહ આપવામાં આવે છે તે પ્રકૃતિના આધારે આપવામાં આવે છે. આમાં લોકોને પ્રકૃતિ સાથે સંબંધિત વસ્તુઓ સાથે જોડવામાં આવે છે. જેવી રીતે કંઈક ઉગાડવું, બાગબાની અને પ્રકૃતિમાં સાથે સમય પસાર કરવો વગેરેનો સમાવેશ થાય છે.

સામાન્ય રીતે આ પ્રકારની સલાહ એ લોકોને આપવામાં આવે છે જે સ્થૂળતા, હૃદય, ડાયાબિટીસ, માનસિક સ્વાસ્થ્ય વગેરે વિશે ચિંતિત છે. આમાં એક અલગ પ્લાન દ્વારા લોકોને પ્રકૃતિ સાથે જોડવામાં આવે છે. ગ્રીન પ્રિસ્ક્રિપ્શન પ્રોગ્રામમાં ઘણીવાર સ્થાનિક ઉદ્યાનો અને મનોરંજન વિભાગ, સમુદાય સંસ્થાઓ અને અન્ય જૂથો સાથે ભાગીદારીનો પણ સમાવેશ થાય છે.

English summary

Know what is Forest Bathing and Green Prescription?