ચાંદા મામા જ કેમ કહેવાય છે? કાકા કે ફુવા કેમ નહીં? જાણો શું છે કારણ?
તમે બાળપણમાં અંધારી રાત્રે આકાશમાં ચમકતા ચંદ્રને ઘણી વખત ચાંદા મામા કરીને સંબોધ્યા હશે. બાળકોને ચાંદા મામા સાથે ખાસ લગાવ હોય છે. જો કે તમને એ ખબર નહીં હોય કે ચંદ્રને મામા કેમ કહેવાય છે?
તમે ક્યારેય એ વાત પર ધ્યાન ધ્યાન આપ્યું કે શા માટે દરેક વખતે ચંદ્રને મામા કહેવામાં આવે છે? કાકા કે ફુવા કેમ નહીં? આજે અમે તમને આની સાથે જોડાયેલી દંતકથા જણાવવા જઈ રહ્યા છીએ.
ચાંદા મામા બનવા પાછળ માત્ર વાર્તા નહીં પરંતુ ધાર્મિક, પૌરાણિક અને ભૌગોલિક કારણો પણ છે. ધાર્મિક ગ્રંથોમાં ચંદ્રને દેવી લક્ષ્મીનો ભાઈ માનવામાં આવે છે. આપણે બધા મા લક્ષ્મીને માતા કહીને સંબોધીએ છીએ અને આ સ્થિતિમાં સંબંધને જોઈએ તો ચાંદ સાથેનો આપણો સંબંધ મામા જેવો ગણાય. આ જ કારણથી ચાંદને મામા કહેવાય છે.
ભૌગોલિક કારણ વિશે વાત કરીએ તો તે પૃથ્વીની આસપાસ ફરે છે અને તે પૃથ્વીનો એકમાત્ર ઉપગ્રહ છે. આ દૃષ્ટિકોણથી ભાઈ અને બહેનના સંબંધને જોઈએ તો ભાઈ પણ તેની બહેન આસપાસ રમતો રહે છે. આ સ્થિતિમાં ચંદ્રની પૃથ્વીની આસપાસ ફરવાની વૃત્તિ ભાઈ-બહેનના સંબંધ સાથે જોડીને ચંદ્રને મામા કહેવામાં આવે છે.
આપણામાંથી મોટાભાગના લોકોએ બાળપણમાં ચાંદા મામાની કવિતાઓ સાંભળી હશે. ખાસ કરીને જ્યારે બાળકો રડે ત્યારે માતા તેમને આ કવિતા સંભળાવે છે. આપણે શાળામાં પણ ચંદ્ર વિશેની ઘણી કવિતાઓ સાંભળીએ છીએ.
Click it and Unblock the Notifications
Sign in with Google
