Video : કેમ ચર્ચામાં છે મુંબઈ એરપોર્ટના ઢોસા? સોશિયલ મીડિયા પર કેમ વાયરલ થઈ રહ્યા છે?
તમે ઘણી વખત ઢોસા ખાવા માટે રેસ્ટોરન્ટ ગયા હશો પરંતુ ક્યારેય તેની કિંમંત 200-300 થી વધારે નહીં સાંભળી હોય. જો કે મુંબઈ એરપોર્ટના ઢોસા તેની કિંમતને કારણે ચર્ચામાં છે.
પનીર ઢોસા, સાદા ઢોસા, પોટેટો ઢોસા, ઓનિયન ઢોસા, ચીઝ ઢોસા અને બીજી ઘણી ઢોસાની વેરાયટી ઉપલબ્ધ હોય છે. ઢોસા ગમે તેટલા સારા હોય તેની કિંમત 200 રૂપિયાથી વધુ ન હોઈ શકે. પરંતુ એક ઢોસા છે, જેની કિંમત તમારા હોશ ઉડાવી દેશે.
આ ઢોસા ખાવા માટે તમારે કોઈ દુકાન કે હોટેલમાં જવાની જરૂર નથી. બસ ફ્લાઇટની ટિકિટ લો અને આ મોંઘા ઢોસાનો આનંદ લો. હવે તમે વિચારી રહ્યા હશો કે આ ઢોસામાં એવું શું છે કે તેની કિંમત એટલી વધારે છે અને તેની ખૂબ ચર્ચા થઈ રહી છે.
આનો એક વીડિયો ઈન્સ્ટાગ્રામ યુઝર શેફ ડોન ઈન્ડિયાએ શેર કર્યો છે. ક્લિપમાં કુક ઢોસા બનાવતો જોવા મળે છે. કેમેરા પાછળથી રેસ્ટોરન્ટના કોમ્પ્યુટરાઈઝ્ડ મેનૂ ડિસ્પ્લે પર દેખાય છે. છાશ સાથેના મસાલા ઢોસાની કિંમત 600 રૂપિયા છે, પરંતુ બેન ખાલી ડોસાની કિંમત 620 રૂપિયા છે.
જો કોઈ ગ્રાહક તેના ઢોસા સાથે લસ્સી અથવા ફિલ્ટર કોફી પીવા માંગે તો તેની કિંમત વધુ વધી જાય છે. વીડિયોના કેપ્શનમાં લખ્યું છે કે મુંબઈ એરપોર્ટ પર સોનું ઢોસા કરતા સસ્તું છે.
શેર કરવામાં આવ્યો ત્યારથી વિડિયોને 9.3 મિલિયન અને 1.8 લાખ વ્યૂઝ મળ્યા છે. એક યુઝરે કહ્યું કે, આમાં કંઈ ખાસ નથી લાગતું. તે જ સમયે ઘણાએ ઢોસાને ઓવરરેટેડ કહ્યા છે.
Click it and Unblock the Notifications
Sign in with Google
