ઇન્ફોસિસ Q2ના પરિણામોની 6 જાણવા યોગ્ય બાબતો

ઇન્ફોસિસના નવા સીઇઓ વિશાલ સિક્કા માટે પ્રથમ ક્વાર્ટર સારું રહ્યું છે. વિશાલ સિક્કાએ થોડા સમય પહેલા જ તેમના પૂરોગામી એસ ડી શિબુલાલનું સ્થાન લીધું હતું. નોંધનીય છે કે ક્વાર્ટર 2ના પરિણામોએ માત્ર શેરબજારના રોકાણકારોને જ નહીં પરંતુ વિશ્લેશકોને પણ ખુશ કરી દીધા છે.

ઇન્ફોસિસના 30 જુન, 2014ના રોજ સમાપ્ત થતા ક્વાર્ટર 2ના પરિણામોથી વિશ્લેશકો શા માટે ખુશ છે અને તેની ખાસ બાબત શું રહી તે જાણવા માટે આગળ ક્લિક કરો...

આશ્ચર્યજનક પરિણામો

30 જૂન, 2014ના રોજ પૂરા થતા ક્વાર્ટરમાં કંપનીનો નેટ પ્રોફિટ 3096 કરોડ રૂપિયા હતો. વિશ્લેષકોએ આ નફો રૂપિયા 2800 કરોડ થશે એવી ધારણા વ્યક્ત કરી હતી. ખૂબ ઓછા વિશ્લેષકોએ કંપનીનો નફો રૂપિયા 3,000 કરોડને પાર પહોંચશે તેવું જણાવ્યું હતું.

આકર્ષક EBIT માર્જીન

છેલ્લા ક્વાર્ટરની સરખામણીએ ઇન્ફોસીસનું EBIT માર્જીન 100 બેઝિસ પોઇન્ટ વધ્યું છે. ગયા ક્વાર્ટરમાં તે 25.1 પોઇન્ટ હતું. આ વખતે તે 26.1 થયું છે.

ડોલરની આવક વધી

કંપનીની ડોલર આવક પણ વધી છે. કંપનીએ 3.1 ટકાના વૃદ્ધિ સાથે કુલ $2201 મિલયન આવક મેળવી છે.

બોનસ શેર રેશિયો 1:1

ઇન્ફોસિસે 1:1ના રેશિયોથી બોનસ શેરની જાહેરાત કરી છે. આ ઉપરાંત પ્રતિ શેર રૂપિયા 30નું ડિવિડન્ડ જાહેર કર્યું છે.

કેશ લિક્વિડિટી વધી

કંપનીની કેશ લિક્વિડિટીમાં પણ વધારો થયો છે. 30 જુન, 2014માં 4943 મિલિયન ડોલરની કેશ લિક્વિડિટીની તુલનામાં 30 સપ્ટેમ્બર, 2014માં કેશ લિક્વિડિટી 5,444 મિલિયન ડોલર હતી.

ઇન્ફોસિસના શેરના ભાવ વધ્યા

ઇન્ફોસિસના સારા પરિણામો તથા આકર્ષક બોનસ અને ડિવિડન્ડની જાહેરાત બાદ નેશનલ સ્ટોક એક્સચેન્જમાં કંપનીના શેરની કિંમતમાં 5.1 ટકાનો વધારો જોવા મળ્યો છે.

English summary

6 quick takeaways from the Infosys Q2 results.