નકલી નોટો ઓળખવા માટે એક નવી સ્માર્ટફોન એપ આવી

8 નવેમ્બર, 2016 ના રોજ ભારતના વડા પ્રધાનએ જૂની 500 અને 1000 રૂપિયાની નોટો બંધ કરીને નવી 500 અને 2000 રૂપિયાની નોટોની જાહેરાત કરી હતી.

Updated: Monday, March 11, 2019, 15:16 [IST]

8 નવેમ્બર, 2016 ના રોજ ભારતના વડા પ્રધાનએ જૂની 500 અને 1000 રૂપિયાની નોટો બંધ કરીને નવી 500 અને 2000 રૂપિયાની નોટોની જાહેરાત કરી હતી. ત્યારથી 50, 100, 200, 500 અને 2,000 રૂપિયાની નવી નોટો બજારમાં આવી ગઈ છે. નવી નોટો આવ્યા પછી નકલી નોટો આવવાની સંખ્યામાં વધારો થયો છે.

દેશભરમાં ઘણા લોકો નકલી નોટોની ચપેટમાં આવી જાય છે. આના કારણે, લોકો રોકડ વ્યવહારો કરવાથી ડરે પણ છે. ઘણી વખત નકલી નોટોના ચક્કરમાં ખોટ સહન કરવી પડે છે. આ સમસ્યાથી બચવા માટે આઇઆઇટી ખડગપુરના વિદ્યાર્થીઓએ એક યુક્તિ શોધી છે. તેમણે એક એવું એપ બનાવ્યું છે જે નકલી નોટોની ઓળખ કરી શકશે.

આ પણ વાંચો: 1 એપ્રિલથી બદલાઈ જશે ઘર, ઓટો અને પર્સનલ લોન સાથે સંકળાયેલ આ નિયમ

આઈઆઈટીમાં અભ્યાસ કરતા કમ્પ્યુટર સાયન્સ અને એન્જિનીયરીંગ વિભાગના છ વિદ્યાર્થીઓએ સ્માર્ટફોન એપમાં એક એવો કોડ વિકસાવ્યો છે જે નકલી નોટોને ઓળખી શકશે. નકલી નોટોને ઓળખવા માટે આ એપ ઇમેજ પ્રક્રિયાનો ઉપયોગ કરશે. તમારા ફોનમાં આ એપને ઇન્સ્ટોલ કર્યા પછી તમારે નોટના આગળના અને પાછળના ભાગના ફોટા ક્લિક કરીને અપલોડ કરવા પડશે. નોટના ફોટાઓને ઇન્સ્ટોલ કરેલા એપમાં અપલોડ કરવા પડશે. એપ તમારા દ્વારા અપલોડ કરેલા નોટના ફોટાઓ સાથે અસલી નોટના 25 ફીચર્સ મેચ કરશે.

આ પણ વાંચો: Alert! આ સરકારી બેંકે ખાતા ધારકોને એલર્ટ કર્યા, ભૂલથી પણ ન કરો આ કામ, નહીં તો...

જો અસલી નોટના 25 ફીચર્સ ચકાસણી પ્રક્રિયામાં મેચ થશે તો નોટ અસલી હશે. જો એક પણ ફીચર્સ મેચ ન થયું, તો નોટ નકલી હશે અને એપ તમને તે વિશે સૂચિત કરશે. છેલ્લા કેટલાક વર્ષોથી નકલી નોટ્સ પહેલાં કરતાં વધુ વધી ગઈ છે. નકલી નોટોના ફ્રોડના કેસો આ દિવસોમાં વધુ સાંભળવા મળે છે. આ કિસ્સામાં, આ એપની મદદથી હવે ફ્રોડ ઘણું ઓછું થશે. અને ફ્રોડોને પકડવા માટે પણ મદદ મળશે. આ ઉપરાંત, આ એપ દરરોજ વધુ રોકડનો ઉપયોગ કરનારાઓ માટે ખૂબ અનુકૂળ અને ફાયદાકારક રહેશે.