એરટેલે ક્વોલકોમની 4જી કંપનીનો 100 ટકા હિસ્સો હસ્તગત કર્યો

નવી દિલ્હી, 18 ઓક્ટોબર : ભારતની ટેલિકોમ કંપની ભારતી એરટેલે અમેરિકાની ચિપ કંપની ક્વાલકોમના વાયરલેસ બિઝનેસ સર્વિસિસ (WBSPL)નું ટેકઓવર કર્યું છે. આ અંગે કંપનીએ જાહેરાત કરતા જણાવ્યું કે તેણે ક્વાલકોમનો 100 ટકા હિસ્સો ખરીદી લીધો છે. આ અગાઉ એરટેલે ક્વોલકોમની 4જી કંપની WBSPLમાં 49 ટકાનો હિસ્સો મે, 2012માં 16.5 કરોડ ડોલરમાં ખરીદી લીધો હતો.

કંપનીએ એક નિવેદનમાં જણાવ્યું છે કે એરટેલ વાયરલેસ બિઝનેસ સર્વિસ પ્રાઇવેટ લિમિટેડના 100 ટકા ઇક્વિટી શેરનું ટેકઓવર કરી લીધું છે. WBSPL મુંબઈ, દિલ્હી, હરિયાણા અને કેરળના ટેલિકોમ સર્કલોમાં બીડબલ્યૂ સ્ટ્રેક્ટ્રમ ધરાવે છે.

એરટેલે જુલાઈમાં WBSPLમાં 49 ટકાની ભાગીદારી વધારી 51 ટકા કરી લીધી હતી. WBSPL પાસે જે સ્પ્રેક્ટ્રમ રહેલા છે તેનો ઉપયોગ દિલ્હી, મુંબઈ, હરિયાણા અને કેરળમાં હાઇસ્પીડ 4જી સેવાઓ માટે કરવામાં આવી શકે છે. એરટેલ પાસે પંજાબ, મહારાષ્ટ્ર, કોલકાત્તા અને કર્ણાટકમાં આવા સ્પ્રેક્ટ્રમ છે. એરટેલે અગાઉ બેંગાલુરુ, પૂણે, કોલકાત્તા, ચંદીગઢ, મોહાલી અને પંચકૂલામાં 4જી સેવાઓ શરૂ કરી છે.

English summary

Airtel completely acquires Qualcomm founded 4G company