Budget 2020: હલવા સેરેમની સાથે આજથી શરૂ થશે બજેટના દસ્તાવેજોનુ છાપકામ
આજથી નૉર્થ બ્લોકમાં હલવા રિવાજ સાથે બજેટના દસ્તાવેજોનુ છાપકામ શરૂ થશે.
સામાન્ય બજેટ (Budget 2020) આવવાની ઉલટી ગણતરી સોમવારથી ઔપચારિક રીતે શરૂ થઈ જશે. આજથી નૉર્થ બ્લોકમાં હલવા રિવાજ સાથે બજેટના દસ્તાવેજોનુ છાપકામ શરૂ થશે. આ રિવાજની યજમાની નાણામાંત્રી સીતારમણ પોતે કરશે. રિવાજ દરમિયાન લોખંડના મોટા વાસણમાં હલવો બનાવવામાં આવે છે અને નાણામંત્રી સહિત નાણા મંત્રાલયના કર્મચારીઓને હલવો વહેંચવામાં આવે છે. ત્યારબાદ નૉર્થ બ્લોકના બેઝમેન્ટમાં (જ્યાં બજેટનુ છાપકામ થાય છે) આગામી 10 દિવસ સુધી આ પ્રક્રિયા ચાલે છે.
આમાં ખાસ વાત એ છે કે હલવાના રિવાજ બાદ બજેટના પ્રિન્ટીંગ સાથે જોડાયેલા મંત્રાલયના કર્મચારીઓને પ્રિન્ટિંગ પ્રેસમાં જ આગામી થોડા દિવસો સુધી અહીં રહીને કામ કરવાનુ હોય છે. બજેટ રજૂ થવા સુધી તે ત્યાંથી નહિ નીકળી શકે. અહીં સુધી કે બજેટ આવવા સુધી આ લોકો પોતાના પરિવારના સભ્યો કે કોઈ પણ અન્ય વ્યક્તિ સાથે વાત પણ કરી શકશે નહિ. છાપકામ ખતમ થયા બાદ નાણામંત્રી એક ફેબ્રુઆરીએ સામાન્ય બજેટ રજૂ કરશે. નાણાં મંત્રાલયમાં માત્ર અમુક વરિષ્ઠ અધિકારીઓને જ ઘરે જવાની અનુમતિ હોય છે.
સામાન્ય બજેટ એવા સમયે રજૂ થશે જ્યારે દેશના આર્થિક વિકાસ દર છ વર્ષના નીચલા સ્તરે આવી ગયો છે. સતત નબળી માંગના કારણે આર્થિક સુસ્તી પણ જળવાઈ રહી છે. આ સાથે જ ઉપભોગ અને રોકાણમાં ઘટાડાના કારણે ચાલુ નાણાંકીય વર્ષમાં રાજકોષીય ખાધ, કરની આવક અને વિનિવેશ લક્ષ્યાંક પૂરો કરવાનુ અસંભવ જણાઈ રહ્યુ છે. જેના કારણે આર્થિક સ્થિતિ નિરાશાજનક છે.
આ આશા રાખવામાં આવી રહી છે કે જીડીપી વિકાસ દર પણ ચાલુ નાણાકીય વર્ષના અંતમાં પાંચ ટકા પર રહી શકે છે. આ વખતે સામાન્ય બજેટ 2020-2021માં એ આશા રાખવામાં આવી રહી છે કે આર્થિક આંકડા ખરાબ રહેવાની આ સ્થિતિમાં રોજગાર સર્જન, ઉપભોગ અને માંગમાં વૃદ્ધિ પર જોર આપવામાં આવશે. તમને જણાવી દઈએ કે બજેટના દસ્તાવેજોનુ છાપકામ નાણા મંત્રાલયના બેઝમેન્ટમાં થાય છે. આ દરમિયાન અહીંની કડક સુરક્ષા વ્યવસ્થા હોય છે. વર્ષ 1980થી નૉર્થ બ્લોકના બેઝમેન્ટમાં બજેટનુ છાપકામ કરવામાં આવી રહ્યુ છે.
આ પણ વાંચોઃ Union Budget 2020: સરળ ભાષામાં સમજો શું હોય છે બજેટ, જાણો આ શબ્દોનો અર્થ