વરિષ્ઠ અર્થશાત્રી બસુએ ફ્લેક્સિબલ શ્રમ કાયદાની હિમાયત કરી

નવી દિલ્હી, 5 નવેમ્બર : વર્લ્ડ બેંકના મુખ્ય અર્થશાસ્ત્રી કૌશિક બસુએ ભારતમાં ફ્લેક્સિબલ શ્રમ કાયદાની હિમાયત કરી છે. તેમણે જણાવ્યું છે કે કડક કાયદાઓને કારણે દેશના વૃધ્ધિદર પર અસર પડે છે.

વર્લ્ડ બેંક દ્વારા આયોજિત એક કાર્યક્રમમાં બાસુએ જણાવ્યું કે ભારતીય શ્રમ બજારમાં જરૂર કરતા વધારે નિયમન છે. દેશના કડક શ્રમ કાયદાને કારણે દેશનો આર્થિક વૃધ્ધિદર પ્રભાવિત થઇ રહ્યો છે. જે શ્રમ કાયદાને ફ્લેક્સિબલ કરવામાં આવે તો સંગઠિત અને બિન સંગઠિત બંને ક્ષેત્રોને ફાયદો થશે.

તેમણે જણાવ્યું કે વર્તમાન નિયમન માળખામાં શ્રમ બજારને વધારે લચીલું બનાવવાની જરૂર છે. જો આપણે કાયદાનું વાતાવરણ ઉભું કરીશું તો સાથે શ્રમિકોની માંગ પણ વધશે. સંપૂર્ણ મુક્ત બજાર આપવાને બદલે વધારે લચીલું બજાર આપવું જોઇએ. ભારતમાં ઘણા સમયથી શ્રમ સુધારા કરવામાં આવ્યા નથી તે કરવાની જરૂર છે.

English summary

World Bank chief economist Kaushik Basu has advocated flexible labor laws in the country.