હોમ લોન લેતાં પહેલાં ઓનલાઇન ચેક કરો EMI

બેંગ્લોર, 8 માર્ચ: જો તમે ઘર લેવા જઇ રહ્યાં છો અને તમે હોમ લોન માટે બેંકની શોધમાં છો, તો આ લેખ જરૂરથી વાંચવો. કારણ કે નાની જાણકારી તમારા ઇએમઆઇને ઓછા કરી શકે છે અને ઘરમાં વધારે બચત થઇ શકે છે. હોમ લોન સામાન્ય રીતે મોટી લોન માનવામાં આવે છે. જો તમે 10 લાખની લોન લેવા જઇ રહ્યાં છો તો તમે સમજી લો કે તમારો ઇએમઆઇ લગભગ 10 હજાર આસપાસ રહેશે. કેટલીક બેંકોમાં 9500 સુધી તો કેટલીક બેંકોમાં 10,500 પણ હોય શકે છે.

તો સારું રહેશે કે લોન લેતાં પહેલાં તમે ઓનલાઇન ચેકી લો અને કઇ બેંકમાં તમારી ઇએમઆઇ કેટલી રહેશે. બેંકમાં બેંકના વ્યાજદરોમાં 0.10 ટકાનો તફાવત આવી જ જાય છે, પરંતુ જ્યારે વાત લાખોની હોય તો આ તફાવત હજારોમાં જતો રહે છે. સારું એ રહેશે કે તમે હોમ લોન માટે એપ્લાય કરતાં કેટલીક બેંકોની વેબસાઇટ પર જઇને ઇએમઆઇ કેલક્યુલેટરથી ચેક કરો કે તમારી ઇએમઆઇ કેટલી રહેશે.

ઇન્ટરનેટ પર કેટલીક વેબસાઇટ છે, જેમને બેંકો અને હાઉસિંગ ફાયનાન્સ કંપનીઓ સાથે કોન્ટ્રાક્ટ કરેલા છે. તેમના પોર્ટલ પરથી ઇએમઆઇ કેલક્યુલેટર સરળતાથી મળી શકે છે. તેમાં તમારે કેટલીક માહિતી આપવી પડશે, જેમ કે કેટલી લોન જોઇએ છે, તમારો પગાર કેટલો છે, કેટલા વર્ષ માટે લોન લેવા માંગો છો વગેરે. ફીડ કરતાંની સાથે જ તમને ખબર પડી જશે કે તમારી ઇએમઆઇ કેટલી રહેશે. ઉદાહરણ તરીકે ક્લિક કરતાં તમે આઇસીઆઇસીઆઇ બેંકનું ઇએમઆઇ કેલક્યુલેટર જોઇ શકો છો.

તેનાથી તમે ધરમાં ખર્ચ માટે બચેલા પૈસાનો અંદાજો લગાવી શકો છો. તેનાથી તમને એ પણ ખબર પડી જશે કે તમે લોન માટે યોગ્યતા ધરાવો છો કે નહી. કેટલો પ્રોસેસિંગ ચાર્જ લાગશે અથવા કસ્ટમરે કઇ બેંકને કઇરીતે રેટ કર્યો છે, એ પણ તમે જાણી શકો છો. મૂળ એ વાતનું ધ્યાન રાખવાનું છે કે વ્યાજ અને વ્યાજદર.

વાત ફક્ત ઓનલાઇન ચેક કરવાથી પૂર્ણ થઇ જતી નથી. બેંકમાં ગયા બાદ પણ તમારે કેટલીક વાતોની જાણકારી મેળવવી પડશે, કે વ્યાજદર કેટલો રહેશે. જો તમને સંતોષ હોય તો હવે બેંકને પુછવાનું રહેશે કે પ્રોસેસિંગ ફી કેટલી રહેશે. ત્યારબાદ પ્રી-પેમેન્ટ ચાજે કેટલો રહેશે. ત્યારબાદ નિર્ણય કરવો કે લોન કઇ બેંક પાસેથી લેવી છે.

English summary

Home loans are generally large sized loans in comparison to other types of loans. Banks and housing finance companies could mean a lot on a home loan.