પૈસામાંથી પૈસા બનાવી રહી છે દીપિકા પાદુકોણ, જાણો તેનુ રોકાણ
ફિલ્મ અભિનેત્રી દીપિકા પાદુકોણે કમાણીની નવી રીત શોધી લીધી છે. આ રીત છે રોકાણ કરવાની. તેનો સૌથી નવો રોકાણ આઈડિયા છે બેલાટ્રિક્સ એરોસ્પેસ કંપની.
ફિલ્મ અભિનેત્રી દીપિકા પાદુકોણે કમાણીની નવી રીત શોધી લીધી છે. આ રીત છે રોકાણ કરવાની. તેનો સૌથી નવો રોકાણ આઈડિયા છે બેલાટ્રિક્સ એરોસ્પેસ કંપની. આ કંપની સ્પેસ રિસર્ચનું સ્ટાર્ટઅપ છે. દીપિકા આ પહેલા પણ ઘણા બધા રોકાણ કરી ચૂકી છે. હજુ થોડા સમય પહેલા જ તેણે પોતાની એક રોકાણ કંપની પણ બનાવી છે. તેની આ કંપનીજ તેના હવે બધા રોકાણ જોઈ રહી છે. આ કંપનીના માધ્યમથી દીપિકાએ ઘણા બધા રોકાણ કર્યા છે. બેલાટ્રિક્સ એરોસ્પેસમાં તેનુ આ સૌથી નવુ રોકાણ છે.
આ પણ વાંચોઃ ફરીથી કાનૂની પેચમાં ફસાયા સલમાન ખાન, પત્રકારે ફાઈલ કરાવ્યો ગંભીર બાબતોમાં કેસ
બેલાટ્રિક્સ એરોસ્પેસે કોની પાસેથી લીધા પૈસા
બેલાટ્રિક્સ એરોસ્પેસના સહ સંસ્થાપક યશસ કર્ણમે જણાવ્યુ છે કે તેમના સ્ટાર્ટઅપે હાલમાં જ 30 લાખ ડૉલરની રકમ મેળવી છે. આ 30 લાખ ડૉલર ઘણા લોકોએ મળીને કંપનીમાં લગાવ્યા છે. આમાં હીરો મોટરકાર્પના સુમન કાંત મુંજાલ ઉપરાંત દીપિકા પાદુકોણ પણ શામેલ છે. આ ઉપરાંત અન્ય રોકાણકારો પણ પૈસા લગાવનારમાં શામેલ છે.
શું કરી રહી છે કંપની
બેલાટ્રિક્સ એરોસ્પેસ હાલમાં અંતરિક્ષમાં મોટો પેલોડ સસ્તામાં મોકલવાની તૈયારીમાં લાગી છે. કંપની રિવયતી સિસ્ટમની જગ્યાએ માઈક્રોવેબ પ્લાઝ્મા થ્રસ્ટ (એમપીટી) ટેકનિક પર કામ કરી રહી છે. આ સામાન્ય કેમિકલ પ્રાપલ્સન સિસ્ટમથી વધુ સક્ષમ છે.
જાણો બીજે ક્યાં રોકાણ કરી રહી છે દીપિકા
દીપિકા પાદુકોણ છેલ્લા ઘણા સમયથી રોકાણની સંભાવનાઓ પર કામ કરી રહી છે. તેણે પોતાના રોકાણ માટે એક કંપની એ કે એન્ટરપ્રાઈઝ બનાવી છે. આ કંપની 18 મહિનામાં ઑનલાઈન ફર્નિચર રેંટલ પ્લેટફોર્મ ફર્લેન્કો અને બ્યુટી પ્રોડક્ટ્સ વેચનાર ઑનલાઈન પ્લેટફોર્મ પર્પલ જેવા સ્ટાર્ટઅપ્સમાં રોકાણ કરી ચૂકી છે. આ ઉપરાંત યોગર્ટ બનાવતી ફ્રેન્ચ ફૂડ પ્રોડક્ટ દિગ્ગજ ડેનોનના માલિકી હકવાળી એપિગામિયામાં પણ તેણે રોકાણ કર્યુ છે. આ ઉપરાંત હજુ ઘણા રોકાણ તેણે જણાવ્યા નથી.