આર્થિક સર્વે 2020: ચીનનુ મૉડલ અપનાવે તો ભારતમાં પેદા થશે 4 કરોડ નોકરીઓ
આર્થિક સર્વેમાં સૂચન આપવામાં આવ્યા કે જો સરકાર ચીનના મૉડલ પર કામ કરે તો આગામી 5 વર્ષોમાં અહીં 4 કરોડ નોકરીઓ પેદા થઈ જશે.
મોદી સરકારે બજેટ પહેલા શુક્રવારે આર્થિક સર્વે રજૂ કર્યો. આ સર્વેમાં સૂચન આપવામાં આવ્યા કે જો સરકાર ચીનના મૉડલ પર કામ કરે તો આગામી 5 વર્ષોમાં અહીં 4 કરોડ નોકરીઓ પેદા થઈ જશે. એટલુ જ નહિ 2030 સુધી દેશમાં 8 કરોડ નોકરીઓ પેદા થઈ જશે. આર્થિક સર્વેમાં સૂચન આપવામાં આવ્યા છે કે જો આપણે મેક ઈન ઈન્ડિયામાં અસેમ્બર ઈન ઈન્ડિયાને પણ ઉમેરી દઈએ તો મોટી સંખ્યામાં નોકરીઓ પેદા થઈ શકશે.
આર્થિક સર્વેમાં કહેવામાં આવ્યુ કે નેટવર્ક પ્રોડક્ટની નિકાસ કરીને આપણે 5 ટ્રિલિયન ડૉલરની અર્થવ્યવસ્થાના લક્ષ્યને પણ મેળવી શકીએ છીએ. સર્વેમાં આને અસેમ્બલ ઈન ઈન્ડિયા ફૉર વર્લ્ડ નામ આપવામાં આવ્યુ છે. આ સર્વેમાં સૂચન આપવામાં આવ્યુ કે આ નીતે અપનાવીને આપણે આપણી નિકાસ 2025 સુધી 3.5% અને 2030 સુધી 6% વધારી શકીએ છીએ.
આર્થિક સર્વે 2020માં નાણાંકીય વર્ષ 2020-21 માટે જીડીપી ગ્રોથનુ અનુમાન 6-6.5% રહેવાની આશા રાખવામાં આવી. આર્થિક સર્વેમમાં સરકારે માન્યુ કે રેવન્યુમાં ઘટાડાના કારણે સરકારને આ વર્ષે ફિસ્કલ ડેફિસિટના મોરચે મુશ્કેલીનો સામનો કરવો પડી શકે છે.
આ પણ વાંચોઃ સામાન્ય બજેટ રજૂ કરનાર પ્રથમ મહિલા નિર્મલા સીતારમણ નહિ પરંતુ આ હતા