સોનાના ભાવો દિવાળી સુધીમાં 20 ટકા સુધી ઘટી શકે!!!

નવી દિલ્હી, 20 ઓક્ટોબર : સોનાની ચમક અત્યારે ઝગારા મારી રહી છે. જેના કારણે સામાન્ય લોકો તેની ખરીદીનીમાં ખચકાઇ રહ્યા છે. જો કે આ અંગે માર્કેટના નિષ્ણાતોનું કહેવું છે કે દિવાળી આવતા સુધીમાં સોનાની કિંમતોની ચમકમાં ઘટાડો નોંધાશે જેના કારણે ધનતેરસના અવસરે લોકોના ચહેરાની ચમક ખીલી શકે એમ છે. એટલે કે દિવાળી સુધીમાં સોનાની કિંમતોમાં ઘટાડો નોંધાઇ શકે છે. આ ઘટાડો 15થી 20 ટકા સુધીનો હોઇ શકે છે.

સોનાના ભાવ 27000 થઇ શકે

માર્કેટ એક્સપર્ટનું કહેવું છે કે દિવાળી સુધી સોનાના ભાવો 30,000થી 32,000ની આસપાસ રહી શકે છે. જો કે દિવાળીમાં સોનાની કિંમતો 27,000ની આસપાસ પહોંચી શકે છે. દિવાળી સુધી સોનાના ભાવોમાં વધારો જોવા મળી શકે છે પણ દિવાળી બાદ તેની માંગ ઘટતા તેની કિંમતોમાં પણ ઘટાડો નોંધાઇ શકે છે.

સોનાની કિંમતો શા માટે ઘટી શકે?

અમેરિકાની અર્થવ્યવસ્થાએ આંશિક શટડાઉનનો સામનો કર્યા બાદ હવે ઇન્ટરનેશનલ માર્કેટમાં રોકાણકારોનું સમગ્ર ધ્યાન શેર અને બોન્ડ માર્કેટ પર ટકેલું છે. આંતરરાષ્ટ્રીય રોકાણકારો હવે ઓછા સમયમાં વધારે રિટર્ન આપતા માર્કેટ પર ધ્યાન કેન્દ્રીત કરી રહ્યા છે. જેના કારણે સોનામાં રોકાણ ઘટ્યું છે. જેના પગલે તેની માંગ ઘટી છે અને તેની કિંમતો નીચી આવી શકે એમ છે.

ભારતમાં ફેસ્ટિવલ સીઝનની ચમક

આંતરરાષ્ટ્રીય બજારોમાં સોનાના ભાવ ઉતરવા લાગ્યા છે. જો કે ભારતમાં સ્થિતિ અલગ છે. આગામી સમયમાં દિવાળી જેવો મોટો તહેવાર આવી રહ્યો હોવાથી સોનાની માંગમાં ખાસ ઘટાડો થયો નથી. જેના કારણએ ભારતમાં સોનાની કિંમતોમાં વધારો ઘટાડો થતો રહે છે. જેના પગલે સોનુ હજી પણ 30,000ની ઉપર છે.

ખરીદદારોએ શું કરવું?

માર્કેટ એક્સપર્ટ્સનું કહેવું છે કે સોનાના ખરીદદારોએ માર્કેટનો અભ્યાસ કરીને પોતાની ખરીદીની રણનીતિ ઘડવી જોઇએ. ફેસ્ટિવલ સીઝનમાં ડિસ્કાઉન્ટની અનેક યોજનાઓ સોનાના વેપારીઓ મૂકે છે. પણ મુખ્ય વસ્તુ સોનાની કિંમતો છે. આ કારણે માર્કેટ ટ્રેન્ડ પર નજર કરવી જરૂરી છે. ડિસ્કાઉન્ટનો લાભ મેળવવા આડેધડ ખરીદી આપને નુકસાન કરાવી શકે છે.

English summary

Gold may fall 15 to 20 percent by Diwali