સરકારને ગેસની વધતી કિંમતોથી લાભ : મોઇલી

બેંગલોર, 6 જુલાઇ : ગેસની કિંમતોમાં વધારાનું સમર્થન કરતા કેન્દ્રીય પેટ્રોલિયમ પ્રધાન વીરપ્પા મોઇલીએ જણાવ્યું છે કે આ પગલાથી આવકની દ્રષ્ટીએ સરકારને ફાયદો થશે. કારણ કે મહત્તમ ગેસ શોધ ખાનગી કંપનીઓને બદલે સરકારી કંપનીઓની છે.

તેમણે પત્રકારોને જણાવ્યું કે "મારા વિચારથી 90 ટકા ગેસના જથ્થાની શોધ જાહેર કંપનીઓએ કરી છે. જ્યારે માત્ર 10 ટકા ગેસના જથ્થાની ખોજ ખાનગી કંપનીઓએ કરી છે. આવી સ્થિતિમાં ઉત્ખનનથી 80 ટકા આવક કે નફો રાજસ્વના સ્વરૂપમાં સરકારની પાસે પાછો આવશે."

મોઇલીએ એમ પણ જણાવ્યું કે દેશ દ્વારા કમાણી કરવામાં આવેલા ધનનો સંરક્ષિત અને પુન: રોકાણમાં ઉપયોગ કરવામાં આવશે. તેને ક્યારેય પણ અન્ય દેશોમાં ખર્ચી નાખવામાં આવશે નહીં.

નોંધનીય છે કે કેન્દ્રીય મંત્રીમંડળની આર્થિક બાબાતોની સમિતીએ 27 જૂનના રોજ ધરેલુ સ્તરે નિકળનારી ગેસની કિંમતોને 1 એપ્રિલ, 2014થી વધારીને 8.4 ડૉલર પ્રતિ 10 લાખ બ્રિટિશ થર્મલ યુનિટ (એમબીટીયુ) કરવાની દરખાસ્તને મંજૂરી આપી દીધી હતી. વર્તમાન સમયમાં તેની કિંમતો 4.2 ડોલર પ્રતિ એમબીટીયુ છે.

English summary

Government benefited from increasing gas prices : Moily