હોન્ડા માર્કેટમાંથી પાંચ લાખ કાર પાછી ખેંચશે
સમાચાર એજન્સી સિન્હુઆના અહેવાલ પ્રમાણે હોન્ડા અમેરિકા અને યુરોપમાં વેચવામાં આવેલી અંદાજે 4,89,000 સીઆર - વીએસ કારને પાછી ખેંચશે. આ અંગે જણાવવામાં આવ્યું છે કે વરસાદનું પાણી કાર ચાલક પાસેની દરવાજેથી કારની અંદરની પાવર વિંડો સ્વીચમાં જઇ શકે છે. જેના કારણે સ્વીચ ગરમ થઇને આગ પકડી શકે છે.
આ મુદ્દે હોન્ડાના પ્રવક્તાએ જણાવ્યું કે કંપની યુરોપમાંથી 2,20,000 અને અમેરિકામાંથી 2,68,000 તથા આફ્રિકાથી 100 કાર પાછી ખેંચશે. આ તમામ કાર વર્ષ 2002થી 2006ની વચ્ચે બનાવવામાં આવી હતી. કંપનીએ આમ કરવા પાછળ કેટલો ખર્ચ થશે એ અંગે કોઇ માહિતી આપી નથી. આ અગાઉ કંપનીએ પહેલી ઑક્ટોબરના રોજ ઉત્તર અમેરિકામાંથી 6,03,000 એકૉર્ડને પાછી ખેંચી હતી.
Click it and Unblock the Notifications
Sign in with Google
