કોરોનામાં લગ્ન કેન્સલ થશે તો મળશે 10 લાખ રૂપિયા! જાણો વિગતવાર

સમગ્ર વિશ્વમાં કોરોના વાયરસના નવા વેરિઅન્ટ ઓમિક્રોનના વધતા જતા કેસને કારણે ફરીથી ગભરાટનો માહોલ છે. ઘણા દેશોમાં ફરીથી લોકડાઉનની સ્થિતિ સર્જાઈ છે. ભારતમાં પણ ઓમિક્રોનના કેસ દિવસેને દિવસે વધી રહ્યા છે. એવું માનવામાં આવે છે કે, દેશમાં કોરોના વાયરસની ત્રીજી લહેર આવી શકે છે. જો કે, કોરોનાની બે લહેર પસાર થયા બાદ જીવન ધીમે ધીમે પાટા પર આવી રહ્યું હતું.

લોકો ફરીથી પહેલાની જેમ લગ્ન, ફંક્શન અને પ્રવાસનું આયોજન કરી રહ્યા હતા, પરંતુ હવે ફરીથી રોગચાળાના ત્રીજી લહેરના ખતરાને જોતા કેન્દ્ર સરકાર તેમજ રાજ્ય સરકારોએ કડક પગલાં લેવાનું શરૂ કર્યું છે.

10 લાખનું કવર મળશે

રાજધાની દિલ્હીમાં કોરોનાને લઈને યલો એલર્ટ જાહેર કરવામાં આવ્યું છે, જે અંતર્ગત દિલ્હીમાં લગ્ન કે કોઈપણ પ્રકારના ફંક્શનમાં 20 થી વધુ લોકો એકઠા થઈ શકશે નહીં. આવી સ્થિતિમાં જાન્યુઆરી અને ફેબ્રુઆરીમાં લગ્નનું બુકિંગ કરાવનારા લોકોનું ટેન્શન વધી ગયું છે. ઘણા લોકોએ આર્થિક નુકસાન છતાં લગ્ન કેન્સલ કરવાનું શરૂ કરી દીધું છે. જો તમે પણ આવું કર્યું છે, તો તમારા માટે કામના સમાચાર છે. હવે જો કોરોના દરમિયાન લગ્ન કેન્સલ થાય તો તમને 10 લાખનો ફાયદો મળી શકે છે, આ માટે તમારે વધારે ખર્ચ પણ નહીં કરવો પડે.

લગ્ન વીમો એ મોટી વાત છે

કોરોનાના વધતા જતા કેસને જોતા નવી ગાઈડલાઈન્સને કારણે આ વર્ષે પણ ઘણા લગ્નો કેન્સલ થઈ શકે છે. આવા સમયે બેંક્વેટ હોલ, મેરેજ હોલ, ફાર્મ હાઉસ વગેરેનું બુકિંગ લાખોમાં થાય છે. આવી સ્થિતિમાં ઘણી વખત આ લોકો બુકિંગ કેન્સલ કર્યા બાદ પૈસા પરત કરવાનો ઇન્કાર કરે છે. આવી પરિસ્થિતિઓનો સામનો કરવા માટે દેશની ઘણી કંપનીઓ તમને લગ્નનો વીમો આપે છે.

દેશની ઘણી વીમા કંપનીઓ તમને લગ્નનો વીમો પણ વેચે છે. આ સાથે તમને લગ્ન રદ્દ થવાથી લઈને તમારા દાગીનાની ચોરી અને લગ્ન પછી અકસ્માતના કિસ્સામાં નાણાકીય સુરક્ષા પ્રદાન કરવામાં આવે છે.

જાણો કેવી રીતે લાભ મેળવવો

જો તમે તમારા લગ્નનો વીમો કરાવ્યો હોય, તો તમને કોઈ નુકસાન નહીં થાય. વાસ્તવમાં આમાં વીમા કંપનીઓ લગ્ન માટે અગાઉથી પેકેજ તૈયાર કરે છે. આવા સમયેકેટલીક કંપનીઓ જરૂરિયાત અનુસાર પેકેજ પણ ઓફર કરે છે.

આના પર મળશે વીમો

• કેટરરને ચૂકવેલ એડવાન્સ ડીએ પર
• કોઈપણ હોલ અથવા રિસોર્ટ બૂક કરાવવા માટે એડવાન્સ મની
• ટ્રાવેલ એજન્સીઓને એડવાન્સ મની ચૂકવવામાં આવેલા પૈસા
• લગ્નના કાર્ડ છાપવા પર ચૂકવવામાં આવેલા પૈસા
• સજાવટ અને સંગીત માટે ચૂકવવામાં આવેલા પૈસા
• વેડિંગ વેન્યુ સેટ પર અન્ય ડેકોરેશન માટે ચૂકવવામાં આવેલા પૈસા

રકમ કેવી રીતે નક્કી થાય છે?

નોંધનીય છે કે, લગ્નના વીમાની વીમા રકમ તમે કેટલી વીમો લીધો છે, તેના આધારે નક્કી કરવામાં આવે છે. સૌથી મહત્વની વાત એ છે કે, જો તમે લગ્નની તારીખ બદલાવી હોય તો પણ તમે દાવો કરી શકો છો. આમાં તમારી વીમા રકમના માત્ર 0.7 ટકાથી 2 ટકા સુધી પ્રીમિયમ વસૂલવામાં આવે છે. એટલે કે જો તમને 10 લાખ રૂપિયાનો લગ્ન વીમો મળ્યો છે, તો તમારે 7,500 થી 15,000 રૂપિયાનું પ્રીમિયમ ચૂકવવું પડશે.

આ સંજોગોમાં દાવો પ્રાપ્ત થશે નહીં

• આતંકવાદી હુમલો
• કોઈપણ પ્રકારની હડતાલ
• લગ્ન અચાનક રદ્દ અથવા તૂટવા
• વર કે કન્યાનું અપહરણ થઈ જવું
• લગ્નમાં વર કે કન્યા પોતાની ભૂલને કારણે ફ્લાઈટ કે ટ્રેન ચૂકી જાય તો
• લગ્નના કપડાં કે અંગત સામાનને નુકસાન
• સ્થળ ફેરફાર અથવા અચાનક રદ્દ
• ઇલેક્ટ્રિકલ અથવા યાંત્રિક ખામીને કારણે
• લગ્ન સ્થળની ખોટી જાળવણીને કારણે નુકસાન
• ઈરાદાપૂર્વક નુકસાન પહોંચાડવું અથવા આત્મહત્યા કરવી

જાણો શું છે તેની પ્રક્રિયા

• વીમો લેતા પહેલા તમારે લગ્નના ખર્ચની તમામ માહિતી વીમા એજન્સીને આપવી પડશે.
• તમને નુકશાન થાય કે, તરત જ તમારી વીમા કંપનીને જાણ કરો.
• જે બાદ જો તમારી કોઈ વસ્તુ ચોરાઈ ગઈ હોય, તો તેના વિશે પોલીસને જાણ કરો અને એફઆઈઆરની નકલ વીમા કંપનીને આપો.
• દાવો કરવા માટે ફોર્મ ભરો, કંપની સાથે તમામ દસ્તાવેજો સબમિટ કરો.
• તમારી વીમા કંપની તેની તપાસ માટે એક પ્રતિનિધિ મોકલીને તમામ માહિતી લેશે, ત્યારબાદ જ દાવો કરેલ નાણાં પરત કરવામાં આવશે.
• જો તમારા દ્વારા કરવામાં આવેલો દાવો સાચો સાબિત થાય છે, તો વીમા કંપની નુકસાનની સંપૂર્ણ ભરપાઈ કરશે.
• જો ખોટો હોય, તો દાવો નકારવામાં આવશે.
• વીમા કંપની રકમ સીધી લગ્ન સ્થળ અથવા વિક્રેતાને આપી શકે છે.
• જો કોઈ પણ રીતે પોલિસીધારક દાવો કરાયેલી રકમથી ખુશ નથી, તો તે સીધો કોર્ટમાં જઈને પોતાનો કેસ રાખી શકે છે.
• કોઈ પણ સંજોગોમાં અકસ્માતના 30 દિવસની અંદર લગ્નના વીમાના દાવાની પતાવટ કરવામાં આવે છે.

English summary

If the marriage is canceled in Corona, you will get 10 lakh rupees! Know in detail.