સસ્તા એલપીજી ગેસ સિલિન્ડર કેવી રીતે મેળવવા, અહીં જાણો

ઈ-પેમેન્ટને પ્રોત્સાહન આપવા કેન્દ્ર સરકારે નોટબંધી દરમિયાન ગેસની ઓનલાઇન બુકિંગ પર છૂટ આપી હતી. જે લોકો ગેસ સિલિન્ડર ઓનલાઈન બુક કરે છે તેમને 5 રૂપિયા સુધીનું ડિસ્કાઉન્ટ મળશે.

Updated: Tuesday, September 17, 2019, 12:37 [IST]

ઈ-પેમેન્ટને પ્રોત્સાહન આપવા કેન્દ્ર સરકારે નોટબંધી દરમિયાન ગેસની ઓનલાઇન બુકિંગ પર છૂટ આપી હતી. જે લોકો ગેસ સિલિન્ડર ઓનલાઈન બુક કરે છે તેમને 5 રૂપિયા સુધીનું ડિસ્કાઉન્ટ મળશે. આ માટે, ચુકવણી પણ ઓનલાઇન જ કરવી પડશે. આ છૂટ માત્ર સબસિડીવાળા સિલિન્ડર પર જ નહીં, પણ સબસિડી વિનાના સિલિન્ડર પર પણ માન્ય રહેશે.

આ ગ્રાહકોને છૂટ મળશે

આ ઓફરની વિશેષ સુવિધા એ છે કે આ છૂટ માત્ર સબસિડીવાળા સિલિન્ડર પર જ ઉપલબ્ધ નથી, પરંતુ તે સબસિડી વગરના સિલિન્ડરો પર પણ માન્ય છે. ઇન્ડિયન ઓઇલ વેબસાઇટ અનુસાર, દિલ્હીમાં નોન-ગ્રીડ સિલિન્ડરની કિંમત 590 રૂપિયા છે. જો તમે ઓનલાઇન બુકિંગ સાથે તેની ચુકવણી પણ ઓનલાઇન કરો છો, તો તમારે સિલિન્ડર માટે 585 રૂપિયા ચૂકવવા પડશે. આ છૂટ ઇન્ડિયન ઓઇલ, ભારત પેટ્રોલિયમ અને હિન્દુસ્તાન પેટ્રોલિયમના ગ્રાહકોને મળશે. તેલ મંત્રાલયના જણાવ્યા અનુસાર, તમે બુકિંગ સમયે નેટ બેન્કિંગ અને ક્રેડિટ કાર્ડ જેવા વિકલ્પોથી ચુકવણી કરી શકો છો. મળેલું ડિસ્કાઉન્ટ તમારા બિલ સાથે દેખાશે.

ડિજિટલ ચુકવણીને પ્રોત્સાહન આપવાનો ઉદ્દેશ

આ છૂટ આપવાનો સરકારનો મુખ્ય ઉદ્દેશ ડિજિટલ પેમેન્ટ એટલે કે કેશલેસ પેમેન્ટને પ્રોત્સાહન આપવાનો છે. જો લોકો ઓનલાઇન ગેસ બુક કરે છે, તો ઇન્ટરનેટ અને ફોનથી થનારો ગેસ બુકિંગ અને ચુકવણીને પ્રોત્સહન મળશે.

બુકિંગ એપ દ્વારા પણ કરવામાં આવે છે

એલપીજી કંપનીઓ ઇન્ડિયન, એચપી અને ભારત ગેસની એપ્લિકેશન એન્ડ્રોઇડ મોબાઇલ ફોન પર ગૂગલ પ્લે સ્ટોર દ્વારા ડાઉનલોડ કરી શકાય છે. આ માટે, ગેસ કંપનીના ગ્રાહક હોવું જરૂરી છે, સાથે સાથે ગ્રાહકની પોતાની ઇમેઇલ આઈડી પણ આવશ્યક છે.