8th Pay Commission : મોદી સરકારનો બદલાયો મૂડ, કેન્દ્રીય કર્મચારીઓ માટે લાગુ કરશે 8મુ પગાર પંચ
8th Pay Commission : જો તમે પણ કેન્દ્રીય કર્મચારી છો, અથવા તમારા પરિવારમાં કોઇ કેન્દ્ર સરકારના કર્મચારી છે તો આ સમાચાર તમારા માટે જ છે. આ પહેલા એવી ચર્ચા ચાલી રહી હતી કે, 7મા પગાર પંચ બાદ નવા કોઇ પંચની રચના કરવામાં આવશે નહીં.
હવે સરકારના મૂડમાં બદલાવના સમાચાર આવી રહ્યા છે. હા, સરકારની તૈયારી કર્મચારીઓ પર મહેરબાન થવાની છે. એક અહેવાલ મુજબ કેન્દ્ર સરકાર કર્મચારીઓને સારા સમાચાર આપવાનું વિચારી રહી છે.
સૂત્રોના જણાવ્યા અનુસાર, 7મા પગાર પંચ બાદ 8મા પગાર પંચની ચર્ચા શરૂ થઈ ગઈ છે. એટલું જ નહીં 8મા પગાર પંચની ફાઇલ પણ તૈયાર હોવાનો દાવો કરવામાં આવ્યો છે. આવી સ્થિતિમાં સરકાર આવતા વર્ષે કેન્દ્રીય કર્મચારીઓ માટે મોટી જાહેરાત કરે તેવી આશા છે. આ સાથે કર્મચારીઓના લઘુત્તમ પગારમાં પણ મોટો વધારો થઈ શકે છે.
છેલ્લા દિવસોમાં ચાલી રહેલી ચર્ચાના આધારે એવું માનવામાં આવતું હતું કે, 8મું પગાર પંચ નહીં આવે, પરંતુ હવે 7મા પગાર પંચ બાદ આગામી પગાર પંચ લાવવાની તૈયારીઓ ચાલી રહી છે. આ તમામ બાબતે સરકાર દ્વારા કોઈ આદેશ જાહેર કરવામાં આવ્યો નથી.
વાસ્તવમાં લોકસભાની ચૂંટણી 2024માં યોજાવાની છે. આવી સ્થિતિમાં ચૂંટણીનું વર્ષ હોવાથી સરકાર દ્વારા કર્મચારીઓની નારાજગી કોઇપણ પ્રકારની ખરીદીની તૈયારી નથી.
આગામી પગારપંચ અંગેની જાહેરાત 2024ની સામાન્ય ચૂંટણી પહેલા કરવામાં આવી શકે છે. નવા પગારપંચમાં શું થશે અને શું નહીં થશે તેની સંપૂર્ણ જવાબદારી નવા પગાર પંચના ચેરમેનની રહેશે. તેમની દેખરેખ હેઠળ જ સમિતિની રચના કરવામાં આવશે.
જો આઠમું પગાર પંચ લાગુ કરવામાં આવે, તો કર્મચારીઓના પગારમાં મોટો ઉછાળો આવે તેમ છે. ફિટમેન્ટ ફેક્ટર અંગે પણ થોડો ફેરફાર થઈ શકે છે. ઉલ્લેખનીય છે કે, સરકાર 10 વર્ષમાં એકવાર પગાર પંચની રચના કરે છે.
આ સાથે એવી અપેક્ષા રાખવામાં આવી રહી છે કે, સરકાર આવતા વર્ષે કેન્દ્રીય કર્મચારીઓ માટે મોટી જાહેરાત કરશે. આ સાથે કર્મચારીઓના લઘુત્તમ પગારમાં પણ મોટો વધારો થઈ શકે છે.
Click it and Unblock the Notifications
Sign in with Google
