ફેસબુક IPOની નિષ્ફળતા મુદ્દે નાસ્ડેક વિક્રમી દંડ ભરશે

વૉશિંગ્ટન, 30 મે : સિક્યુરિટી એક્સચેન્જ કમિશન (એસઇસી)ના જણાવ્યા અનુસાર મે, 2012માં ફેસબુકના ઇનિશિયલ પબ્લિક ઓફરિંગ (આઇપીઓ)માં સિક્યુરિટીના કાયદાનું ઉલ્લંઘન કરવા બદલ અમેરિકન સ્ટોક એક્સચેન્ડ નાસ્ડેક 10 મિલિયન ડાલરનો દંડ ચૂકવવા માટે તૈયાર થઇ ગયું છે. આ સ્ટોક એક્સચેન્જની ઇતિહાસમાં કોઇ પણ સ્ટોક એક્સચેન્જ દ્વારા ચૂકવવામાં આવેલો સૌથી મોટો દંડ ગણવામાં આવે છે.

અમેરિકાના બીજા સૌથી મોટા ઇક્વિટી માર્કેટ નાસ્ડેકે મે 2012 દરમિયાન ફેસબુકના આઇપીઓ દરમિયાન તેની નબળી સિસ્ટમ અને નબળા નિર્ણયને પગલે આ દંડ ચૂકવવો પડશે. એસઇસીના જણાવ્યા અનુસાર આઇપીઓના ઇતિહાસમાં ફેસબુક સૌથી મોટો આઇપીઓ બહાર પાડવાનું હતું અને તેમાં મોટી સંખ્યામાં રોકાણકારો જોડાવાની શક્યતા છતાં નાસ્ડેક દ્વારા તે બાબતમાં તકેદારી રાખવામાં આવી ન હતી. નાસ્ડેકની ડિઝાઇનને કારણે આઇપીઓના ખરીદ વેચાણમાં મુશ્કેલી ઉભી થઇ હતી. જેના કારણે અનેક નિયમોનો ભંગ થયો હતો.

આ કારણે અંદાજે ફેસબુકના 30000 ઓર્ડર્સ નાસ્ડેકની સિસ્ટમમાં ફસાયેલા રહ્યા હતા. બે કલાક સુધી ચાલેલી આ મુશ્કેલીને કારણે ઘણા તેમાંથી ખસી ગયા અથવા પોતાના સોદા રદ કર્યા હતા. નાસ્ડેકની ડિઝાઇન સિસ્ટમમાં મુશ્કેલી સર્જાવાને કારણે ફેસબુકને 500 મિલિયન ડોલરનું નુકસાન સહન કરવું પડ્યું હતું.

English summary

NASDAQ pays record penalty for failures in Facebook IPO.