New Rules May 2024: 1 મેથી બદલાઇ જશે ઘણા નિયમો, જાણો અને પૈસા બચાવો

New Rules May 2024: જ્યારે પણ નવો મહિનો શરૂ થાય છે, ત્યારે મહિનાના પહેલા દિવસે ઘણા નિયમોમાં ફેરફાર થાય છે. આ નિયમોની અસર સામાન્ય જનતા પર સીધી રીતે થાય છે. ઉલ્લેખનીય છે કે, દર મહિનાની પહેલી તારીખના રોજ LPG, CNG અને PNG ભાવમાં ફેરફાર થાય છે.

હવે મે 2024 શરૂ થવામાં થોડા જ દિવસો બાકી છે. આવી સ્થિતિમાં આ નવા મહિનાની શરૂઆતમાં એલપીજી સિલિન્ડર અને બેંક સંબંધિત ઘણા નિયમો બદલાશે. આ અહેવાલમાં આપણે જાણીશું કે, આવતા મહિનાથી કયા નિયમો બદલાઈ રહ્યા છે.

એલપીજી સિલિન્ડરની કિંમત - દર મહિનાની પહેલી તારીખે ઓઇલ માર્કેટિંગ કંપનીઓ એલપીજી સિલિન્ડરની કિંમતમાં સુધારો કરે છે. કંપનીઓ 14 કિલો અને 19 કિલોના સિલિન્ડરની કિંમતો નક્કી કરે છે. આ સાથે કંપનીઓ PNG અને CNGના ભાવ પણ અપડેટ કરે છે.

યસ બેંકનો આ નિયમ બદલાશે - ખાનગી ક્ષેત્રની યસ બેંકની વેબસાઇટ અનુસાર, 1 મે, 2024થી બચત ખાતા પર લઘુત્તમ સરેરાશ બેલેન્સ ચાર્જ (MAB) માં ફેરફાર થશે. સેવિંગ્સ એકાઉન્ટનો પ્રો મેક્સ MAB 50,000 રૂપિયા હશે, જેના પર મહત્તમ 1,000 રૂપિયાનો ચાર્જ વસૂલવામાં આવશે.

સેવિંગ્સ એકાઉન્ટ પ્રો પ્લસ, યસ એસેન્સ એસએ અને યસ રિસ્પેક્ટ એસએમાં લઘુત્તમ બેલેન્સ 25,000 રૂપિયા હશે. આ એકાઉન્ટ પર મહત્તમ 750 રૂપિયાની મર્યાદા વસૂલવામાં આવશે. સેવિંગ એકાઉન્ટ PROમાં મિનિમમ 10,000 રૂપિયાનું બેલેન્સ રહેશે. તેના પર 750 રૂપિયાની સમય મર્યાદા નક્કી કરવામાં આવી છે. આ નિયમ 1 મે, 2024થી લાગુ થઈ ગયો છે.

ICICI બેંકના આ નિયમોમાં ફેરફાર થશે - ICICI બેંકે બચત ખાતા પરના શુલ્કમાં પણ ફેરફાર કર્યા છે. નવા ચાર્જ 1 મેથી લાગુ થશે. બેંકે જણાવ્યું હતું કે, હવે ડેબિટ કાર્ડ પર વાર્ષિક ફી 200 રૂપિયા કરી દેવામાં આવી છે. જોકે, ગ્રામીણ વિસ્તારોમાં આ ચાર્જ 99 રૂપિયા હશે. આ ઉપરાંત 1 મેથી 25 પેજ ધરાવતી ચેકબુક પર કોઈપણ પ્રકારનો ચાર્જ લેવામાં આવશે નહીં. આ પછી ગ્રાહકે દરેક પેજ પર 4 રૂપિયા ચૂકવવા પડશે.

જો ગ્રાહક IMPS દ્વારા રકમની લેવડદેવડ કરે છે, તો તેણે તેના પર ચાર્જ ચૂકવવો પડશે. આના પર પ્રતિ ટ્રાન્ઝેક્શન રૂપિયા 2.50 થી રૂપિયા 15ની વચ્ચે ચાર્જ લેવામાં આવશે. આ ચાર્જ ટ્રાન્ઝેક્શનની રકમ પર આધારિત છે.

HDFC બેંક FD સ્કીમ - HDFC બેંકે સિનિયર સિટીઝન કેર FD લોન્ચ કરી છે. આ FDમાં રોકાણ કરવાની છેલ્લી તારીખ 10 મે 2024 છે. રોકાણકારને આ FD પર 0.75 ટકા વધારાનું વ્યાજ મળે છે. આ એફડી રેગ્યુલર એફડીથી તદ્દન અલગ છે. ઉલ્લેખનીય છે કે, 5 વર્ષથી 10 વર્ષ સુધીની FD પર 7.75 ટકા વ્યાજ આપવામાં આવે છે. આ વ્યાજ 5 કરોડ રૂપિયાથી ઓછી FD પર ઉપલબ્ધ છે.

English summary

New Rules May 2024: Many rules will change from May 1, know and save money