નિફ્ટી 8500ની સપાટી સ્પર્શી શકે : એક્સપર્ટ વ્યૂ

Subscribe to Oneindia News
For Quick Alerts
ALLOW NOTIFICATIONS
For Daily Alerts

    મુંબઇ, 5 જાન્યુઆરી : ભારતીય શેરબજાર ગયા સપ્તાહે સાંકડી રેન્જમાં ચાલ્યા બાદ શુક્રવારે બ્રેકઆઉટ જોવા મળ્યો હતો. જેના પગલે નિફ્ટી 8,210ના સ્તરે 50 દિવસની સિમ્પલ મૂવિંગ એવરેજ કરતાં ઊંચા સ્તરે બંધ થયો હતો. મુખ્ય ટેક્‌નિકલ ઇન્ડિકેટર્સ સૂચવે છે કે વધુ અપટ્રેન્ડ ચાલુ રહેશે અને નિફ્ટી ટૂંકા ગાળામાં 8,500ના સ્તરને સ્પર્શ કરી શકે છે.

    જિયોજિત બીએનપી પારિબા ફાઈનાન્શિયલ સર્વિસિસના રિસર્ચ હેડ એલેક્સ મેથ્યુઝનું માનવું છે કે નિફ્ટીમાં 8,310 અને 8,265ના સ્તરે સપોર્ટ છે. ફ્રન્ટલાઇન આઇટી શેરો અને કેટલાક ઓટોમોબાઇલ શેરો અપવર્ડ મૂવમેન્ટ ચાલુ રહી શકે છે. જો બજારમાં તેજી ચાલુ રહેશે તો આપણને ફ્રન્ટલાઇન શેરોમાં વ્યાપક ખરીદી જોવા મળવાની ધારણા છે, જેમાં મેટલ અને કેપિટલ ગૂડ્ઝ ક્ષેત્રના શેરોનો પણ સમાવેશ થાય છે.

    વિદેશી સંસ્થાકીય રોકાણકારો (એફઆઇઆઇસ) નિફ્ટીની એફ એન્ડ ઓ પોઝિશન જમા કરી રહ્યા છે, જે સૂચવે છે કે મજબૂત આગેકૂચ ચાલુ રહેશે. નિફ્ટીનો પુટ કોલ રેશિયો પણ સૂચવે છે કે નિફ્ટીમાં નજીવા નીચા સ્તરે મજબૂત સપોર્ટ સ્તર છે.

    stockmarkets-1

    ઓટો ક્ષેત્રના વેચાણમાં ડિસેમ્બર મહિનામાં વૃદ્ધિ જોવા મળી છે. દેશની સૌથી મોટી કાર કંપનીનું વેચાણ 20.8 ટકા વધીને 1,09,791 નંગ થયું હતું. ટીવીએસ કંપની કંપનીનું વેચાણ ડિસેમ્બર દરમિયાન 20 ટકા વધીને 1,91,880 નંગ થયું હતું.

    રોકાણકારો જાન્યુઆરી સિરીઝમાં નિફ્ટીનો 8,550ના કોલ ઓપ્શનની ખરીદી કરી શકે છે અને કોલ ઓપ્શન્સમાં બુલ સ્પ્રેડ બનાવી શકે છે. આ માટે 8,500નો કાલ ઓપ્શનની ખરીદી અને 8,650ના કોલ ઓપ્શનનું વેચાણ કરી શકાય છે. ક્રૂડ ઓઇલમાં બેરલ દીઠ 55 ડોલરથી નીચા સ્તરે નરમાઈ છે તથા યુરોપ અને ચીનમાં મેન્યુફેક્ચરિંગમાં નરમાઈના સંકેતની વચ્ચે તેમાં સાડા પાંચ વર્ષના વર્ષના નીચા સ્તરે છે.

    આગામી સપ્તાહે અમેરિકાના બજાર માટેની મહત્ત્વની ઘટનાઓમાં વાહનોનું કુલ વેચાણ, માર્કિટ કમ્પોઝિટ પીએમઆઇ, માર્કિટ સર્વિસ પીએમઆઇ, ફેકટરી ઓર્ડર્સ, બેલેન્સ ઓફ ટ્રેડ, એફઓએમસીની કાર્યનોંધ, બેરોજગારીનો દર, નોન ફાર્મા પેરોલ ડેટા અને મેન્યુફેક્ચરિંગ પેરોલ્સનો સમાવેશ થાય છે.

    યુરો ઝોન એરિયા માટેના મુખ્ય આર્થિક ડેટામાં માર્કિટ સર્વિસિસ પીએમઆઇ, ફુગાવાનો દર, કોર ઇન્ફ્લેશન, બેરોજગારીનો દર, રિટેલ સેલ્સ, બિઝનેસ કોન્ફિડન્સ અને કન્ઝ્યુમર કોન્ફિડન્સનો સમાવેશ થાય છે. જાપાનના મોરચે મુખ્ય આર્થિક સમાચારમાં માર્કિટ મેન્યુફેક્ચરિંગ અને સર્વિસ પીએમઆઇનો સમાવેશ થાય છે. ચીનનાં બજારો માટે બેલેન્સ ઓફ ટ્રેડ, ફુગાવાનો દર અને સર્વિસ પીએમઆઇ ડેટા વગેરે મહત્વના છે.

    English summary
    Nifty could touches 8500 level soon.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more