પેટ્રોલ 1 રૂપિયો સસ્તું, અને ડીઝલ 50 પૈસા મોઘું થવાના અણસાર

નવી દિલ્હી, 14 માર્ચ: દર મહિને પેટ્રોલ-ડીઝલના ભાવમાં વધારો થઇ રહ્યો છે. પરંતુ એક રાહતના સમાચાર એ આવી રહ્યા છે કે પેટ્રોલિયમ ઉત્પાદનોની સમીક્ષામાં પેટ્રોલ આજે મધ્યરાત્રી બાદ પ્રતિ લિટર સસ્તુ અને ડીઝલ 40-50 પૈસા મોંઘુ થઇ શકે છે.

આંતરરાષ્ટ્રીય પેટ્રોલિયમ બજારમાં ઓઇલના ભાવમાં ઘટાડો થવાના કારણે પેટ્રોલના ભાવ ઘટવાના અણસાર મળી રહ્યા છે. સરકારે જાન્યુઆરીમાં ડીઝલની મૂલ્ય નીતિમાં કરવામાં આવેલ નિર્ણય કર્યો હતો એ અંતર્ગત દરમહિને ડીઝલના ભાવમાં વધારો થતો રહેશે. આ ભાવ વધારો ત્યા સુધી થતો રહેશે જ્યાં સુધી તેલ કંપનીઓને પ્રતિ લીટર થઇ રહેલું 11 રૂપિયાનું નુકસાન સરભર ના થઇ જાય.

પેટ્રોલના ભાવમાં આ વખતે થઈ રહેલા ઘટાડા પહેલા ફેબ્રુઆરીથી પેટ્રોલના ભાવમાં બે વખત વધારો ઝિંકાઇ ચૂક્યો છે. આ પહેલા 16 ફેબ્રુઆરીના રોજ 1.50 રૂપિયા અને 2 માર્ચના રોજ 1.40 રૂપિયા પ્રતિ લીટરનો વધારો કરવામાં આવ્યો હતો. હાલમાં દિલ્હીમાં પેટ્રોલના ભાવ 70.74 રૂપિયા પ્રતિ લીટર છે.

અત્રે ઉલ્લેખનીય છે કે અવિરતપણે પેટ્રોલના ભાવમાં વધારો ઝિંકાયા બાદ તેમાં 1 રૂપિયા જેટલો નજીવો ઘટાડો થવાની સંભાવવાના સામે આવી છે જે જરા પણ આનંદદાયક સમાચાર તો ના જ કહી શકાય. કારણ કે તેની સામે ડીઝલના ભાવમાં પણ વધારો થવા જઇ રહ્યો છે.

English summary

Petrol price may be reduced by about Re 1 per litre while diesel price may be hiked by 40-50 paisa a litre.